બોલિવૂડ એક્ટર વિકી કૌશલ આ દિવસોમાં ખૂબ જ વ્યસ્ત છે. હાલમાં જ તેની ફિલ્મ ‘ધ ગ્રેટ ઈન્ડિયન ફેમિલી’ રીલિઝ થઈ હતી. હવે તેની બીજી ફિલ્મ ટૂંક સમયમાં આવી રહી છે. ફિલ્મનું નામ ‘સામ બહાદુર’ છે. આ અંગે ભારે ચકચાર મચી છે. ફિલ્મમાંથી વિકી કૌશલના ઘણા લુક્સ પણ સામે આવ્યા છે, જેને ખૂબ જ સારો રિસ્પોન્સ પણ મળ્યો છે. આ ફિલ્મમાં વિકી આર્મી ઓફિસરના રોલમાં જોવા મળશે. વિકીએ આ પહેલા પણ બે વખત આર્મી ઓફિસરની ભૂમિકા ભજવી છે. આવી સ્થિતિમાં, ચાહકો તેને ફરી એકવાર આ પાત્રમાં જોવા માટે ખૂબ જ ઉત્સાહિત છે. આ દિવસોમાં અભિનેતા ફિલ્મના પ્રમોશનમાં વ્યસ્ત છે. હાલમાં જ વિકી કૌશલ પોતાની ફિલ્મના પ્રમોશન માટે એક શોમાં પહોંચ્યો હતો. જ્યાં તેને ઘણા મુદ્દાઓ પર ખુલીને વાત કરી છે. આ દરમિયાન વિકીએ તેની પત્ની કેટરિના કૈફની ‘ટાઈગર 3’માં ટોવેલ ફાઈટ સીન પર પણ પોતાની પ્રતિક્રિયા આપી છે.
તમે બધા જાણો છો કે વિક્કી કૌશલ જ્યાં પણ જાય છે, તે ચોક્કસપણે તેની પત્ની વિશે વાત કરે છે. આવી સ્થિતિમાં આ વખતે પણ તેને કંઈક આવું જ કર્યું છે. ખરેખર, તાજેતરમાં જ વિકી તેની ફિલ્મ ‘સામ બહાદુર’ના પ્રમોશન માટે એક શોમાં પહોંચ્યો હતો. આ દરમિયાન તેમને ઘણા મુદ્દાઓ પર ખુલીને વાત કરી હતી. આ દરમિયાન જ્યારે વિકીને આ સવાલ પૂછવામાં આવ્યો કે, શું તમે ‘ટાઈગર 3’માં કેટરિના કૈફનો ટુવાલ ફાઈટ સીન જોયો હતો, તેના પર તમારી પ્રતિક્રિયા શું હતી? આ સવાલનો જવાબ આપતા વિકી કૌશલે કહ્યું, ‘હું ફિલ્મના સ્ક્રીનિંગમાં ગયો હતો અને અમે સાથે ફિલ્મ જોઈ રહ્યા હતા. આ દરમિયાન જ્યારે ટુવાલ ફાઈટનો સીન આવ્યો ત્યારે સીનની વચ્ચે મેં મારી પત્નીને કહ્યું, મને નથી લાગતું કે હવેથી હું તમારી સાથે દલીલ કરી શકું. આ સિવાય વિકી કૌશલે કેટરિના કૈફના વખાણ કરતા કહ્યું કે તેને તેની પત્ની પર ગર્વ છે.
‘સામ બહાદુર’ની વાર્તા
જો વિકી કૌશલની ફિલ્મ ‘સેમ બહાદુર’ વિશે વાત કરીએ તો આ ફિલ્મની વાર્તા ભારતના પ્રથમ ફિલ્ડ માર્શલ આર્મી ચીફ સેમ માણેકશા પર આધારિત છે. ફિલ્મમાં સાન્યા મલ્હોત્રા સેમ માણેકશાની પત્ની સિલ્લુની ભૂમિકામાં છે, જ્યારે ફાતિમા સના શેખ દિવંગત પૂર્વ વડાપ્રધાન ઈન્દિરા ગાંધીના રોલમાં જોવા મળશે. ફિલ્મની વાર્તા ગુલઝાર અને શાંતનુ શ્રીવાસ્તવ સાથે ભવાની અય્યરે લખી છે. ફિલ્મનું સંગીત શંકર-અહેસાન-લોય દ્વારા આપવામાં આવ્યું છે.આ ફિલ્મ 1 ડિસેમ્બર 2023ના રોજ રિલીઝ થશે.
આ પણ વાંચો :Shah Rukh Khan/છત્રી નીચે છુપાઈને બહાર આવ્યો શાહરૂખ ખાન, વાયરલ વીડિયોમાં જોવા મળેલા નવા લુકએ ખેંચ્યું ધ્યાન
આ પણ વાંચો :Animal event/તેલુગુ લોકો આખા ભારત પર રાજ કરશે, એનિમલ ઈવેન્ટ દરમિયાન નેતાજીના નિવેદનને લઈને વિવાદ
આ પણ વાંચો :12th Fail/ઓસ્કારની રેસમાં પ્રવેશી ’12મી ફેલ’ , વિક્રાંત મેસીએ કરી પુષ્ટિ
