Vadodara News: વડોદરામાં (Vadodara) લુખ્ખાઓનો આતંક માઝા મૂકી રહ્યો છે. કબ્રસ્તાન પાસે યુવકની સરેઆમ હત્યા (Murder) કરી દેવામાં આવી છે. અજાણ્યા શખ્સો દ્વારા યુવકને ચાકુના ઘાર મારવામાં આવ્યા હતા. ચાકુના અનેક વારના પગલે લોહીલુહાણ સ્થિતિમાં યુવકે ઘટનાસ્થળે જ જીવ છોડ્યો હતો. આ ઘટના વડોદરાના કારેલીબાગ (KareliBag) કાશમાલા કબ્રસ્તાન પાસે બની હતી.

આ તો રીતસર કાયદો અને વ્યવસ્થાના સરેઆમ લીરા ઉડાડતા હોય તેવી ઘટના બની હતી. ગુજરાત સામાન્ય રીતે કાયદો અને વ્યવસ્થા માટે જાણીતું રાજ્ય છે ત્યાં સરેઆમ થયેલી હત્યાએ સમગ્ર શહેરને હચમચાવી નાખ્યો હતો.મૃત્યુ પામેલો યુવાન પઠાણ ફ્રુટનો ધંધો કરતો હતો. યુવકના મોતથી કુટુંબમાં શોકનું વાતાવરણ છે. સમગ્ર વિસ્તારના ફ્રુટના કારોબારીઓમાં પણ શોકનો માહોલ છે.

હત્યાના  બનાવના પગલે કારેલીબાગ પોલીસ અને ક્રાઇમ બ્રાન્ચની ટીમ ઘટનાસ્થળે પહોંચી ગઈ છે. બનાવની ગંભીરતાને ધ્યાનમાં લીને ડીસીપી ઝોન ચાર પન્ના મોમાયા પમ ઘટનાસ્થળે પહોંચ્યા હતા. પોલીસે મૃતદેહને પોસ્ટમોર્ટમ અર્થે હોસ્પિટલ ખસેડ્યો છે. તેની સાથે પોલીસે ગુનો નોંધીને આરોપીઓને પકડવાની તજવીજ હાથ ધરી છે. આ હુમલો કોણે કર્યો તેની પોલીસ તપાસ કરી રહી છે. પોલીસના પ્રાથમિક તારણ મુજબ તો અંગત અદાવતમાં જ  હુમલો કરવામાં આવ્યો છે.

આ પણ વાંચોઃ  શરદ જૂથ પહેલા જ સુપ્રીમ કોર્ટ પહોંચ્યા અજિત પવાર, કેવિયેટ અરજી દાખલ કરી

આ પણ વાંચોઃ જાતિ આધારિત ભેદભાવ હિન્દુ ધર્મનો ભાગ નથી કેલિફોર્નિયા સરકારે સ્વીકાર્યું, શું છે આવું કહેવા પાછળનું કારણ…

આ પણ વાંચોઃ હવે ભારતીય બજારે બનાવ્યો આ રેકોર્ડ,મેળવ્યુ વિશ્વમાં ચોથું સ્થાન