અમદાવાદઃ અમદાવાદમાં પ્રદૂષણનું સ્તર ઘટાડવા માટે અમદાવાદ મ્યુનિસિપલ કોર્પોરેશન (એએમસી) એક્શન મોડમાં આવી ગઈ છે. શહેરમાં 500 સ્થળોએ એર ક્વોલિટી ઇન્ડેક્સ માપવામાં આવશે. હવાનું પ્રદૂષણ ઘટાડવા માટે પાણીનો છંટકાવ કરતાં રહેવામાં આવશે.
એએમસી હવાની લઘુત્તમ એર ક્વોલિટી જાળવવા પ્રયત્ન કરી રહ્યું છે. અમદાવાદીઓએ દિલ્હી જેવી નબળી ર ક્વોલિટીનો સામનો કરવો ન પડે તે માટે એએમસી સજ્જ થઈ રહ્યું છે. આ ઉપરાંત પ્રદૂષણ નિવારવા માટે કયા પ્રકારના પગલાં લેવા જોઈએ તેના માટે પણ એએમસીએ તૈયારી આદરી છે. આગામી સમયમાં એએમસી આવા અનેક પગલાં લેતી જોવા મળી શકે છે.
