Business: મંગળવારે રેલ્વે વિકાસ નિગમ લિમિટેડ (RVNL)ના શેર બજારમાં ઝડપથી ટ્રેડ થઈ રહ્યા છે. બંને ઈન્ડેક્સ એટલે કે BSE અને NSE સાંકડી રેન્જમાં ટ્રેડ થઈ રહ્યા છે. બંને ઈન્ડેક્સ મામૂલી વધારા સાથે ટ્રેડ કરી રહ્યાં છે.

ગત સપ્તાહ શુક્રવારે, રેલવે વિકાસ નિગમ લિમિટેડ (RVNL Q4 પરિણામે) માર્ચ ક્વાર્ટરના પરિણામો જાહેર કર્યા હતા. માર્ચ ક્વાર્ટરમાં કંપનીના ચોખ્ખા નફામાં 33 ટકાનો વધારો થયો છે. કંપનીએ રોકાણકારો માટે શેર દીઠ રૂપિયા 2.11નું ડિવિડન્ડ પણ જાહેર કર્યું છે.

શું છે RVNLનાં શેરની સ્થિતિ?

સવારે રેલ્વે વિકાસ નિગમ લિમિટેડનાં શેર રૂપિયા 303.20 પ્રતિ શેરના ભાવે ખૂલ્યા હતા. આ પછી, કંપનીના શેરમાં 7 ટકાથી વધુનો ઉછાળો જોવા મળ્યો. લગભગ 12 વાગ્યે કંપનીના શેર્સ શેર દીઠ રૂપિયા 339.35 પર પહોંચી ગયા. કંપનીના શેરે છેલ્લા 1 વર્ષમાં 191.37 ટકા અને છેલ્લા 6 મહિનામાં 102.34 ટકાનું પોઝિટિવ રિઝલ્ટ આપ્યું છે.

RVNL ત્રિમાસિક પરિણામ

માર્ચ ક્વાર્ટરમાં કંપનીનું ફાઈનાન્સીયલ પર્ફોમન્સ ઘણું સારું રહ્યું છે. RVNLએ નાણાકીય નફો શેરબજારને જણાવ્યો. જાન્યુઆરીથી માર્ચ સુધીનો કોન્સોલિડેટેડ નફો રૂપિયા 478.6 કરોડ હતો. કંપનીની આવક રૂપિયા 6714 કરોડ થઈ ગઈ છે.

શેરબજારના જાણકારોનું કહેવું છે કે સારા ત્રિમાસિક પરિણામોની સાથે RVNLને મળેલા ઓર્ડરના કારણે શેરમાં પણ વધારો થયો છે. રેલવે વિકાસ નિગમ લિમિટેડને ઇલેક્ટ્રિક ટ્રેક્શન સિસ્ટમ સંબંધિત ઓર્ડર મળ્યો છે. કંપનીને કુલ રૂપિયા 148 કરોડનો ઓર્ડર મળ્યો છે. આ ઓર્ડર બાદ કંપનીની ઓર્ડર બુક 65,000 કરોડ રૂપિયા પર પહોંચી ગઈ છે.

આ પણ વાંચો: ભારતીય રેલ્વેનો મોટો નિર્ણય, હવે મુસાફરો કોઈપણ જગ્યાએથી જનરલ ટિકિટ બુક કરાવી શકશે

આ પણ વાંચો: કર્મચારીઓને 1 વર્ષની નોકરી બાદ ગ્રેચ્યુઈટી મળશે