Tech & Auto: Appleએ તેનું નવું iOS 18 લોન્ચ કર્યું છે. તેના લોન્ચિંગની સાથે એપલે તેના ફીચર્સ પણ જાહેર કર્યા છે. એપલે iOSમાં ઘણા નવા ફીચર્સ સામેલ કર્યા છે. iOS 18ની સાથે કંપનીએ macOS 15 Sequoia, Vision OS 2, iPadOS 18, watchOS 11 અને tvOS 18 પણ લૉન્ચ કર્યા છે.
iOS શું છે?
iOS એ Appleની ઓપરેટિંગ સિસ્ટમ છે. એન્ડ્રોઇડની જેમ જ iOS એ Appleની મોબાઇલ ઓપરેટિંગ સિસ્ટમ છે. આ સિસ્ટમ iPhone અને iPad જેવા Appleના મોબાઈલ ઉપકરણોને ચલાવવામાં મદદ કરે છે. હાલમાં, iOS 17 નો ઉપયોગ કરવામાં આવી રહ્યો છે અને iOS 18 લોન્ચ કરવામાં આવ્યો છે.
મળશે નવા ફિચર્સ
મેસેજિંગ એપમાં સુધારો
Appleએ તેના નવા iOS 18 માં મેસેજિંગ એપ્લિકેશનને અપડેટ કરતી વખતે ટેપબેકને ફરીથી ડિઝાઇન કર્યું છે. જેમાં આપણે ઈમોજી અથવા સ્ટીકરની મદદથી જવાબ આપી શકીએ છીએ. આ નવા અપડેટમાં, તમે સંદેશાઓ પણ શેડ્યૂલ કરી શકો છો. આ સિવાય, આ iOS અપડેટમાં તમને નવી ટેક્સ્ટ ઇફેક્ટ્સ અને ઘણા ફોર્મેટિંગ વિકલ્પો પણ મળશે.
હોમ સ્ક્રીન કસ્ટમાઇઝેશન
iOS 18માં, તમે તમારી પસંદગી મુજબ તમારા ફોનની હોમ સ્ક્રીનને કસ્ટમાઇઝ કરી શકો છો અને તમારી પસંદગી મુજબ નવી થીમ પસંદ કરી શકો છો, આ સિવાય, આઇકોન્સનો દેખાવ આપમેળે ડાર્ક મોડમાં બદલાઈ જશે.
ન્યૂ કંટ્રોલ સેન્ટર
Appleએ iPhoneના કંટ્રોલ સેન્ટરમાં પણ ફેરફાર કર્યા છે. જેમાં તેને નવી કંટ્રોલ ગેલેરી અને મલ્ટીપેજ લેઆઉટ સાથે લોન્ચ કરવામાં આવ્યું છે. તેની મદદથી તમે iPhone પર ઝડપથી કામ કરી શકો છો.
સેટેલાઈટ સેવા
આ તમામ અદ્યતન સુવિધાઓ સાથે, Appleએ તેના iPhone 14 અને iPhone 15 વપરાશકર્તાઓને Wi-Fi અથવા સેલ સેવાની મદદ વિના સેટેલાઇટનો ઉપયોગ કરીને iMessages અને SMS મોકલવાની મંજૂરી આપી છે.