Kolkata News: કોલકાતા (Kolkata) મેડિકલ કોલેજ (Medical College)માં જુનિયર રેસિડેન્ટ ડોક્ટર (Doctor) પર બળાત્કાર (Rape) અને હત્યા (Murder)ના વિરોધમાં શુક્રવારે પણ પાંચ દિવસથી ચાલી રહેલી રેસિડેન્ટ ડોકટરોની હડતાળ (Strike) ચાલુ રહેતાં તબીબી સેવાઓ ભારે ખોરવાઈ ગઈ હતી. ઈન્ડિયન મેડિકલ એસોસિએશન (IMA) એ પણ શનિવારે દેશભરની તમામ સરકારી અને ખાનગી હોસ્પિટલોમાં હડતાળની જાહેરાત કરી છે.
Update 03:40
સરકારનો ડોક્ટરનો નિર્દેશ
The Ministry of Health has requested the agitating doctors to resume their duties in the larger public interest, especially in light of the rising cases of dengue and malaria pic.twitter.com/TaY40a1Tyu
— IANS (@ians_india) August 17, 2024
કોલકાતા મહિલા ડોક્ટર પર રેપ બાદ હત્યા મામલે ડોક્ટરો દેશવ્યાપી હડતાળ પર ઉતર્યા છે. ઇમરજન્સી સેવા સિવાય સહિતની અનેક સુવિધાઓ બંધ કરવામાં આવી છે. ડોક્ટરના હડતાળ પર ઉતરવાથી દર્દીઓ રઝળી પડ્યા છે. અનેક અસરગ્રસ્ત લોકો ડોક્ટરની સેવાના અભાવે ગંભીર સ્થિતિમાં પંહોચી શકે છે. આ મામલે હવે કેન્દ્ર સરકારે દરમ્યાનગીરી કરતાં ડોક્ટરોને ડેન્ગ્યુ અને મેલેરીયા જેવી સ્થિતિના કારણે ડોક્ટરોને પુનઃસેવા પર પાછા ફરવા નિર્દેશ કર્યો છે. તેમની માંગણીઓને સરકાર શક્ય તેટલી વહેલી તકે પૂર્ણ કરવાનું આશ્વાસન આપ્યું છે.
આજે ખાનગી હોસ્પિટલોના ડોક્ટરો પણ જોડાશે
શનિવારે સવારે 6 વાગ્યાથી રવિવારે સવારે 6 વાગ્યા સુધી ડૉક્ટરો હડતાળ પર રહેશે. આ સમયગાળા દરમિયાન, હોસ્પિટલોમાં ઓપીડી અને નિયમિત સર્જરી બંધ રાખવા અપીલ કરવામાં આવી છે. નાની ખાનગી હોસ્પિટલો, નર્સિંગ હોમ ઉપરાંત કોર્પોરેટ હોસ્પિટલોમાં પણ ડોક્ટરો હડતાળ પર રહેશે. IMAએ કેન્દ્ર સરકાર પાસે હોસ્પિટલોને સેફ ઝોન તરીકે જાહેર કરવા અને એરપોર્ટની જેમ સુરક્ષા વ્યવસ્થા કરવા માંગ કરી છે.
શુક્રવારે IMA હેડક્વાર્ટર ખાતે યોજાયેલી પ્રેસ કોન્ફરન્સમાં એસોસિએશનના પ્રમુખ ડૉ. આરવી અશોકને જણાવ્યું હતું કે પોલીસે એક આરોપીની ધરપકડ કરી છે, જ્યારે પીડિતાનો પોસ્ટમોર્ટમ રિપોર્ટ દર્શાવે છે કે ગુનામાં કેટલાય લોકો સામેલ છે. 36 કલાકની લાંબી ડ્યુટી લાદવામાં આવી હોવા છતાં હોસ્પિટલમાં આરામ ખંડ નહોતો.
હોસ્પિટલોને સેફ ઝોન તરીકે જાહેર કરવાની માંગ
તેમણે કહ્યું કે ગત મંગળવારે કેન્દ્રીય સ્વાસ્થ્ય મંત્રી જેપી નડ્ડા સાથે મુલાકાત કર્યા બાદ એસોસિએશને હોસ્પિટલોને સેફ ઝોન તરીકે જાહેર કરવાની માંગ કરી છે. જ્યાં પર્યાપ્ત સંખ્યામાં સુરક્ષા કર્મચારીઓ તૈનાત કરવા જોઈએ અને સુરક્ષા તપાસ પ્રોટોકોલનું પાલન કરવું જોઈએ. હોસ્પિટલોમાં રેસિડેન્ટ ડોક્ટરોના કામના કલાકો નક્કી કરવા જોઈએ. આ ઉપરાંત ડોકટરો અને આરોગ્ય કર્મચારીઓની સુરક્ષા માટે સેન્ટ્રલ હેલ્થકેર પ્રોટેક્શન એક્ટ બનાવવાની પણ માંગ કરવામાં આવી છે, પરંતુ મંત્રાલય તરફથી આ અંગે કોઈ નક્કર ખાતરી મળી નથી.
કેન્દ્રીય આરોગ્ય મંત્રીએ વિચારણા કરવા જણાવ્યું છે. ડોકટરો અને આરોગ્ય કર્મચારીઓની સુરક્ષા માટે આ કાયદો બનાવવો જરૂરી છે. IMA એક્શન કમિટીના અધ્યક્ષ ડૉ.વિનય અગ્રવાલે કહ્યું કે ડૉક્ટરો ક્યારેય હડતાળ પર જવા માંગતા નથી, પરંતુ જો મહિલા ડૉક્ટરો સાથે બળાત્કાર અને ડૉક્ટરો સામે હિંસાની ઘટનાઓ બનશે તો અમે ચૂપ નહીં રહીએ.
ઈમરજન્સી સેવાઓ પણ બંધ, દર્દીઓની મુશ્કેલી વધી
બંગાળ, બિહાર, ઝારખંડ અને દિલ્હી સહિત દેશના અનેક રાજ્યોમાં ડોક્ટરોની હડતાળના કારણે દર્દીઓની મુશ્કેલી વધી રહી છે. પંજાબની સરકારી હોસ્પિટલોમાં ઓપીડી બંધ રહી. ડૉક્ટરો અને નર્સિંગ સ્ટાફે ઈમરજન્સી સેવા સિવાય કોઈ કામ કર્યું ન હતું. ઉત્તરાખંડમાં ઋષિકેશ એઈમ્સના રેસિડેન્ટ ડોક્ટરો છેલ્લા ચાર દિવસથી હડતાળ પર છે. દૂન મેડિકલ કોલેજના પીજી ડોક્ટરોએ શુક્રવારે પણ કામનો બહિષ્કાર કર્યો હતો. ફાર્માસિસ્ટ એસોસિએશને પણ આંદોલનને સમર્થન આપ્યું છે.
હિમાચલ પ્રદેશમાં મેડિકલ કોલેજોમાં ત્રણ દિવસની હડતાળના કારણે દર્દીઓને મુશ્કેલીનો સામનો કરવો પડી રહ્યો છે. બિહારમાં, પટનાની NMCH, દરભંગાની DMCH અને મુઝફ્ફરપુરની SKMCHની ઈમરજન્સી સેવાઓ ગુરુવારે બપોરે જ બંધ કરી દેવામાં આવી હતી.
એઈમ્સ પટનામાં ઓપીડી અને પરીક્ષણ સુવિધાઓ બંધ રહી
ભાગલપુર અને પૂર્ણિયાની મેડિકલ કોલેજ હોસ્પિટલમાં આરોગ્ય સેવાઓ પ્રભાવિત થઈ હતી. પટનાના IGIMS શેખપુરામાં સારવાર બંધ થવાને કારણે દર્દીઓ ગુસ્સે થઈ ગયા અને લગભગ એક કલાક સુધી નેહરુ પથ (બેલી રોડ)ને બ્લોક કરી દીધો. AIIMS પટનામાં OPD અને પરીક્ષણ સુવિધાઓ બંધ રહી, પરંતુ ઈમરજન્સી-ટ્રોમા સેવાઓ ચાલુ રહી. પટનામાં સરકારી આયુર્વેદિક કોલેજની સામે સાંજે આયુષ ડોક્ટરોએ કેન્ડલ માર્ચ કાઢી હતી.
આ પણ વાંચો:પ્રેમિકાની હત્યા કર્યા બાદ લાશને ખીણમાં ફેંકી દીધી, પછી નદીમાં કૂદીને આત્મહત્યા કરી
આ પણ વાંચો: મહિલા રેસિડેન્ટ ડોક્ટર સાથે બળાત્કાર અને હત્યા કેસમાં CBIએ શરૂ કરી તપાસ, પૂછપરછ માટે આરોપીની લઈ ગઈ ઓફિસ
આ પણ વાંચો:કોલકાતા મહિલા ડોક્ટર કેસમાં આવતીકાલથી ત્રણ દિવસની હડતાળ
