UPI News: હવે બિન-નિવાસી ભારતીયો (એનઆરઆઈ) વિદેશમાં હોય ત્યારે આંતરરાષ્ટ્રીય મોબાઈલ નંબર દ્વારા UPI (યુનિફાઈડ પેમેન્ટ્સ ઈન્ટરફેસ)નો ઉપયોગ કરીને ચૂકવણી કરી શકશે. અગાઉ યુપીઆઈ દ્વારા પેમેન્ટ કરવા માટે એનઆરઆઈ પાસે ભારતીય મોબાઈલ નંબર હોવો જરૂરી હતો.
નેશનલ પેમેન્ટ્સ કોર્પોરેશન ઓફ ઈન્ડિયા (NPCI) એ આ નવી સુવિધા વિશે માહિતી આપી છે. હવે 10 દેશોમાં રહેતા NRI તેમના નોન-રેસિડેન્ટ એક્સટર્નલ (NRE) અથવા નોન-રેસિડેન્ટ ઓર્ડિનરી (NRO) એકાઉન્ટ્સ દ્વારા UPI નો ઉપયોગ કરી શકશે. આ માટે, તેમના આંતરરાષ્ટ્રીય મોબાઇલ નંબરને આ ખાતાઓ સાથે લિંક કરવું જરૂરી છે. અગાઉ NRIs પાસે UPI નો ઉપયોગ કરવા માટે વિદેશમાં ભારતીય મોબાઈલ નંબર સક્રિય હોવો જરૂરી હતો.
ICICI બેંકની સુવિધા
ICICI બેંક તેના NRI ગ્રાહકોને તેની iMobile Pay એપ્લિકેશન દ્વારા UPI સુવિધા આપે છે. NRI ગ્રાહકો તેમના NRE અથવા NRO એકાઉન્ટ્સ સાથે જોડાયેલા આંતરરાષ્ટ્રીય મોબાઈલ નંબરનો ઉપયોગ કરીને UPI દ્વારા ચૂકવણી કરી શકે છે. આ ઉપરાંત, તેઓ ભારતીય QR કોડ સ્કેન કરીને નાણાં ટ્રાન્સફર કરી શકે છે અને ઑનલાઇન શોપિંગ જેવા વ્યવહારો પણ કરી શકે છે.
હાલમાં 10 દેશો ઉપલબ્ધ છે
આ સુવિધા હાલમાં 10 દેશોમાં ઉપલબ્ધ હશે, જેમાં યુએસ, યુનાઇટેડ કિંગડમ, યુએઇ, કેનેડા, સિંગાપોર, ઓસ્ટ્રેલિયા, હોંગકોંગ, ઓમાન, કતાર અને સાઉદી અરેબિયાનો સમાવેશ થાય છે. NRI એ તેમના આંતરરાષ્ટ્રીય મોબાઇલ નંબરને NRE અથવા NRO ખાતા સાથે લિંક કરવાનો રહેશે અને બેંકે FEMA જેવા નિયમોનું પાલન સુનિશ્ચિત કરવું પડશે.
UPI ID કેવી રીતે બનાવવું
NRIs તેમની iMobile Pay એપ દ્વારા UPI ID બનાવી શકે છે. આ માટે તેઓએ નીચેના સ્ટેપ્સ ફોલો કરવા પડશે.
iMobile Pay એપ્લિકેશનમાં લોગિન કરો.
UPI પેમેન્ટ પર ક્લિક કરો.
SMS દ્વારા તમારો મોબાઈલ નંબર વેરીફાઈ કરો.
“મેનેજ” પર જાઓ અને “મારી પ્રોફાઇલ” પસંદ કરો.
તમારું NRE અથવા NRO એકાઉન્ટ પસંદ કરો અને UPI ID બનાવો
આ નવી સુવિધા એનઆરઆઈ માટે યુપીઆઈનો ઉપયોગ કરવાનું વધુ સરળ અને અનુકૂળ બનાવશે.
આ પણ વાંચો:paytmમાં હવે કોઇ ટેન્શન નહીં, આ મંજૂરી મળતા હવે યુઝર્સ UPI પેમેન્ટ આરામથી કરી શકશે
