Supreme Court: કર્ણાટક સેક્સ સ્કેન્ડલ વીડિયો કેસના મુખ્ય આરોપી પ્રજ્વલ રેવન્નાની માતા ભવાની રેવન્નાની આગોતરા જામીન રદ કરવાની માગણી પર સુપ્રીમ કોર્ટ સોમવારે એટલે કે આજે સુનાવણી કરશે. જસ્ટિસ સૂર્યકાંત અને જસ્ટિસ ઉજ્જવલ ભુઈયાની બેંચ કર્ણાટક SIT દ્વારા દાખલ કરવામાં આવેલી અરજી પર સુનાવણી કરશે. ભવાની રેવન્નાને કર્ણાટક હાઈકોર્ટે અપહરણ કેસમાં જામીન આપ્યા હતા.

SITએ અરજી દાખલ કરી
ભવાની રેવન્નાને આ શરતે આગોતરા જામીન આપવામાં આવ્યા છે કે તે મૈસુર અને હાસન જિલ્લાની મુલાકાત ન લે. આ કેસની તપાસ કરી રહેલી SITએ સુપ્રીમ કોર્ટમાં તેની સામે અરજી દાખલ કરી છે. SIT તરફથી હાજર રહેલા વરિષ્ઠ વકીલ કપિલ સિબ્બલે આ કેસમાં કહ્યું છે કે પીડિતાએ CrPCની કલમ 164 હેઠળ નોંધાયેલા તેના નિવેદનમાં તેના અપહરણમાં ભવાની રેવન્નાની ભૂમિકા વર્ણવી છે. કર્ણાટકના પ્રખ્યાત અશ્લીલ વીડિયો કૌભાંડના આરોપી અને હસન સાંસદ પ્રજ્વલ રેવન્નાએ મે (2024) મહિનામાં બેંગલુરુ સેશન્સ કોર્ટમાં વચગાળાની જામીન અરજી દાખલ કરી હતી.

પ્રજ્વલની જામીન અરજી તેની માતા ભવાની રેવન્ના વતી કોર્ટમાં દાખલ કરવામાં આવી છે. જાતીય સતામણીના આરોપોથી ઘેરાયેલ પ્રજ્વલ રેવન્નાએ કહ્યું કે તેમના વિરુદ્ધ રાજકીય ષડયંત્ર રચાયુ છે. હું તપાસને સમર્થન આપીશ. મને ન્યાયતંત્રમાં વિશ્વાસ છે.”

સમગ્ર મામલો

કર્ણાટકના પ્રખ્યાત સેક્સ સ્કેન્ડલ કેસની પીડિતાએ ફરિયાદમાં જેડીએસ નેતા પ્રજ્વલ રેવન્ના અને તેના પિતા એચડી રેવન્ના પર ગંભીર આરોપ લગાવ્યા હતા. તેમણે જણાવ્યું હતું કે પ્રજવલે ચાર-પાંચ વર્ષ પહેલા તેની માતા સાથે તેના બેંગલુરુ નિવાસસ્થાનમાં બળાત્કાર ગુજાર્યો હતો. મારું યૌન શોષણ પણ થયું હતું. સ્પેશિયલ ઈન્વેસ્ટિગેશન ટીમ (SIT)ના સૂત્રોના જણાવ્યા અનુસાર પીડિત યુવતીની ઓળખ ગુપ્ત રાખવામાં આવી છે. ઘટનાઓનો ઉલ્લેખ કરીને તેણે આરોપી પ્રજ્વલ વિરુદ્ધ વિગતવાર નિવેદન નોંધ્યું છે.

યુવતીએ આરોપ લગાવ્યો છે કે 2020 અને 2021 વચ્ચે પ્રજ્વલ રેવન્નાએ તેને વીડિયો કોલનો જવાબ આપવા દબાણ કર્યું હતું. તેમજ તેણીને અને તેની માતાને ધમકી આપી હતી અને વિડીયો કોલ પર તેણીના કપડાં ઉતારવા દબાણ કર્યું હતું. આ સિવાય તેણે પ્રજ્વલના પિતા એચડી રેવન્ના પર પણ ગંભીર આરોપ લગાવ્યા હતા.

સાંસદ પ્રજ્વલ રેવન્નાનાનો અશ્લીલ કાંડ સામે આવ્યા બાદ કથિત ‘યૌન ઉત્પીડન’ કેસમાં જનતા દળ (સેક્યુલર)માંથી હાંકી કાઢવામાં આવ્યા હતા. તેઓ આ બેઠક પરથી કર્ણાટકની પ્રાદેશિક પાર્ટીની ટિકિટ પર પણ ચૂંટણી લડી રહ્યા છે. આ બેઠક માટે 26 એપ્રિલે મતદાન થયું હતું, જેના એક દિવસ પહેલા રેવન્નાના કેટલાક અશ્લીલ વીડિયો વાયરલ થયા હતા.

આ પણ વાંચોઃ શું કેક ખાવાથી કેન્સર થાય છે?કર્ણાટકમા 235 કેક માટે સેમ્પલ લેવામાં આવ્યા

આ પણ વાંચોઃ ED ‘MUDA કૌભાંડ’માં કર્ણાટકના CM સિદ્ધારમૈયા સામે કેસ કરે તેવી શક્યતા

આ પણ વાંચોઃ ‘ભારત માતા કી જય’ બોલવું એ હેટ સ્પીચ નથી, કર્ણાટક હાઈકોર્ટે પાંચ લોકો સામે નોંધાયેલી FIR ફગાવી