India vs New Zealand 1st Test: ભારત અને ન્યુઝીલેન્ડ વચ્ચે પ્રથમ ટેસ્ટ મેચ બેંગલુરુમાં રમાઈ રહી છે. આ મેચમાં ખરાબ બેટિંગ બાદ હવે ટીમ ઈન્ડિયાને વધુ એક મોટો ફટકો પડ્યો છે. ટીમ ઈન્ડિયાનો સ્ટાર વિકેટકીપર બેટ્સમેન ઋષભ પંત (rishabh pant) ઈજાના કારણે મેદાનની બહાર થઈ ગયો છે. વાસ્તવમાં પંતને વિકેટ કીપિંગ દરમિયાન આ ઈજા થઈ હતી. જોકે ઈજા કેટલી ગંભીર છે તે અંગે હજુ કંઈ કહી શકાય તેમ નથી.
ઈજા બાદ પંત ચાલી શકતો ન હતો, જેના કારણે તેને મેદાનની બહાર લઈ જવામાં આવ્યો હતો. પંતની જગ્યાએ ધ્રુવ જુરેલને વિકેટકીપિંગ માટે મેદાન પર બોલાવવામાં આવ્યો હતો. પંતની ઈજાએ હવે ટીમ ઈન્ડિયાનું ટેન્શન થોડું વધાર્યું છે. જો કે પંતની ઈજા અંગે હજુ સુધી વધુ માહિતી સામે આવી નથી.
Rishabh Pant down with knee issues. pic.twitter.com/uxrY5ciePO
— Mufaddal Vohra (@mufaddal_vohra) October 17, 2024
વાસ્તવમાં આ ઘટના 37મી ઓવરના છેલ્લા બોલ પર બની હતી, રવિન્દ્ર જાડેજા દ્વારા ફેંકવામાં આવેલો બોલ ઝડપથી ફરતો હતો અને તેના ઘૂંટણની કિનારે અથડાયો હતો. ડિસેમ્બર 2022 થી મેદાનની બહાર રહ્યા પછી, આ ડાબા હાથના ખેલાડીએ ભારત વિરુદ્ધ બાંગ્લાદેશ શ્રેણીમાં ટેસ્ટ ટીમમાં પુનરાગમન કર્યું અને આ શ્રેણીમાં પંતે શાનદાર પ્રદર્શન કર્યું અને સદી પણ ફટકારી.
Rishabh Pant going off.
– Dhruv Jurel coming in place of Pant. pic.twitter.com/YMLSiYTZoW
— Mufaddal Vohra (@mufaddal_vohra) October 17, 2024
બેંગલુરુ ટેસ્ટ પર કિવી ટીમની પકડ મજબૂત જોવા મળી રહી છે. ભારતને માત્ર 46 રનમાં આઉટ કર્યા બાદ ન્યૂઝીલેન્ડની બેટિંગ સારી ચાલી રહી છે. હાલમાં કિવી ટીમ પાસે 100થી વધુ રનની લીડ છે.
આ પણ વાંચો: હૈદરાબાદમાં આજે ભારત અને બાંગ્લાદેશ વચ્ચે T20 શ્રેણીની છેલ્લી મેચ
આ પણ વાંચો: ભારત અને ન્યુઝીલેન્ડ વચ્ચે ટેસ્ટ શ્રેણીમાં ખેલાડીઓના નામ જાહેર, નવા ચહેરાઓના પણ સામેલ
આ પણ વાંચો: બોર્ડર-ગાવસ્કર સિરીઝમાં રોહિત શર્માનું સ્થાન લેનારા પ્રબળ દાવેદારો
