Haryana News: હરિયાણાના ફરીદાબાદમાં (Faridabad) એક પિતાએ પોતાની બે સગીર દીકરીઓ પર બળાત્કાર (Rape) ગુજાર્યો હોવાનો કિસ્સો પ્રકાશમાં આવ્યો છે. પોલીસે આરોપીની ધરપકડ કરી લીધી છે. આ ચોંકાવનારી ઘટના 15 નવેમ્બરના રોજ એસજીએમ નગર પોલીસ સ્ટેશનમાં નોંધવામાં આવી હતી. પોલીસનું કહેવું છે કે આરોપીએ પોતાનો ગુનો કબૂલી લીધો છે.
એક પોલીસ અધિકારીએ સોમવારે માહિતી આપી હતી કે ફરીદાબાદ પોલીસે તેની બે સગીર દીકરીઓ પર બળાત્કાર કરવાના આરોપમાં એક વ્યક્તિની ધરપકડ કરી છે. 15 નવેમ્બરના રોજ એસજીએમ નગર પોલીસ સ્ટેશનમાં આરોપીની પત્નીએ નોંધાવેલી ફરિયાદના આધારે આરોપી વિરુદ્ધ બળાત્કારનો કેસ નોંધવામાં આવ્યો છે.
‘મહિલાએ કહ્યું- તેનો પતિ ડ્રગ એડિક્ટ છે’
પોલીસે જણાવ્યું હતું કે આરોપીને સોમવારે શહેરની કોર્ટમાં રજૂ કરવામાં આવ્યો હતો, જ્યાંથી તેને ન્યાયિક કસ્ટડીમાં મોકલવામાં આવ્યો હતો. ફરિયાદી, 13 અને 11 વર્ષની બે છોકરીઓની માતાએ જણાવ્યું હતું કે તે મજૂરી કામ કરે છે, જ્યારે તેનો પતિ ડ્રગ્સનો વ્યસની છે. પોલીસે જણાવ્યું કે જ્યારે તે 15 નવેમ્બરના રોજ કામ પરથી પાછી આવી ત્યારે તેની મોટી દીકરીએ તેને કહ્યું કે તેના પિતાએ તેની સાથે બળાત્કાર કર્યો છે.
આરોપીએ પોતાનો ગુનો કબૂલી લીધો હતો
મહિલાએ પોતાની ફરિયાદમાં જણાવ્યું કે, તેણે એ પણ ખુલાસો કર્યો કે થોડા દિવસ પહેલા મારા પતિએ મારી નાની દીકરી પર પણ બળાત્કાર કર્યો હતો. આ અંગે કોઈને કહીશ તો મને અને મારી દીકરીઓને મારી નાખવાની ધમકી પણ આપી હતી. ફરિયાદના આધારે એફઆઈઆર નોંધ્યા બાદ પોલીસે રવિવારે રાત્રે આરોપીની ધરપકડ કરી હતી. એક વરિષ્ઠ પોલીસ અધિકારીએ જણાવ્યું કે આરોપીએ પોતાનો ગુનો કબૂલી લીધો છે.
આ પણ વાંચો:યુવકે મિત્રની પત્ની પર કર્યો બળાત્કાર, મિત્રને જોતા જ આરોપી…
આ પણ વાંચો:લગ્નની લાલચ આપી પહેલા કર્યો બળાત્કાર,પછી અમદાવાદ જઈને પ્રેમીએ કર્યા બીજા લગ્ન
આ પણ વાંચો:બળાત્કાર બાદ શરીર પર ઠોકી ખીલી,પછી જીવતી સળગાવી…મણિપુરમાં ત્રણ બાળકોની માતા સાથે ક્રૂરતા
