Surendranagar News: સુરેન્દ્રનગરના પાટડીમાં જુગારધામ પર SMCના દરોડા બાદ મોટી કાર્યવાહી કરવામાં આવી છે. પાટડી પોલીસ પીઆઈ એમ કે ઝાલાને સસ્પેન્ડ કરવામાં આવ્યા છે અને પીઆઈની સાથે અન્ય 3 કોન્સ્ટેબલને પણ સસ્પેન્ડ કરવામાં આવ્યા છે.
તમને જણાવી દઈએ કે વડોદરા એસીબી પીઆઈનો ભાઈ આ જુગારધામ ચલાવતો હતો અને સુરેન્દ્રનગર જિલ્લાના એસપી ગિરીશ પંડ્યા દ્વારા કાર્યવાહી કરવામાં આવી છે. પાટડીમાં રહેણાંક મકાનમાં જુગારનો અડ્ડો ચાલતો હતો. જેમાં SMCએ દરોડો પાડી 5 મહિલા સહિત 25 જુગારીઓને પકડી પાડ્યા હતા. વડોદરામાં આ જુગારધામ એસીબી પીઆઈ કમલેશ ઠાકોરનો ભાઈ કિરણ ઠાકોર ચલાવતો હતો. તે સમયે એસએમસીએ પણ લાલ ફીતમાં લાખો રૂપિયાનો મુદ્દામાલ જપ્ત કર્યો હતો.
પાટડીમાં પોલીસ અંધારામાં રહી હતી અને SMCએ દરોડા પાડ્યા હતા અને દરોડા દરમિયાન SMCની ટીમે 5 મહિલા સહિત 25 જેટલા લોકોને જુગાર રમતા પકડી પાડ્યા હતા. દરોડા દરમિયાન, SMC ટીમે મોબાઈલ ફોન અને વાહનો સહિત રૂ. 6 લાખથી વધુની કિંમતી ચીજવસ્તુઓ જપ્ત કરી છે. સૌથી મોટો પ્રશ્ન એ છે કે તે સમયે આ જુગારધામ કોની દેખરેખમાં ચાલતું હતું.
સુરેન્દ્રનગરના પાટડીના વેલનાથ નગર વિસ્તારમાં એક રહેણાંક મકાનમાં જુગારનો મોટો અડ્ડો ચાલી રહ્યો હતો અને SMCની ટીમ ત્યાં પહોંચી ત્યારે ઘરના દરવાજા બંધ હતા અને દરવાજા તોડીને અંદર પ્રવેશી SMCની ટીમે જુગારીઓને પકડી લીધા હતા. અને આગળની કાર્યવાહી હાથ ધરી હતી.
આ પણ વાંચો:પાટડીમાં ACBના PIના ભાઇના ઘરે ઝડપાયું જુગારધામ, 50 લાખથી વધુનો મુદ્દામાલ કરાયો કબ્જે
આ પણ વાંચો:રાજકોટના કુખ્યાત શખ્સનું જુગારધામ ઝડપાયું, શ્રાવણ પૂર્વે પોલીસનો સપાટો
આ પણ વાંચો:જુગારધામઃ લાઠીના ધારાસભ્ય અને પોલીસ આમને સામને, બંનેના વિપરીત દાવા
