Entertainment News: ક્રિકેટર યુઝવેન્દ્ર ચહલ (Yuzvendra Chahal) અને ધનશ્રી વર્માના (Dhanashree Verma) છૂટાછેડાના સમાચાર ઘણા સમયથી સોશિયલ મીડિયા પર ચર્ચાનો વિષય હતા. હવે તમામ કાયદાકીય કાર્યવાહી બાદ દંપતી અલગ થઈ ગયા છે.

માહિતી મુજબ, યુઝવેન્દ્ર અને ધનશ્રીના છૂટાછેડાની સુનાવણી ગુરુવાર, 20 ફેબ્રુઆરીએ બાંદ્રા ફેમિલી કોર્ટમાં સવારે 11:00 વાગ્યે થઈ હતી. સુનાવણી દરમિયાન ચહલ અને ધનશ્રી બંને કોર્ટમાં હાજર હતા. 45 મિનિટના કાઉન્સેલિંગ સેશન બાદ બંનેએ પરસ્પર સહમતિથી અલગ થવાનો નિર્ણય લીધો હતો.

છૂટાછેડાના સમાચાર પછી ધનશ્રીની પોસ્ટ

છૂટાછેડાના સમાચાર બાદ ધનશ્રી વર્માની ઈન્સ્ટાગ્રામ પોસ્ટ વાયરલ થઈ રહી છે. તેમાં તેણે લખ્યું, “તણાવથી ધન્ય સુધી – શું તે આશ્ચર્યજનક નથી કે ભગવાન કેવી રીતે આપણી ચિંતાઓ અને પરીક્ષણોને આશીર્વાદમાં ફેરવી શકે છે? જો તમે આજે કોઈ વાતને લઈને ચિંતિત છો તો જાણી લો કે તમારી પાસે એક વિકલ્પ છે. તમે કાં તો ચિંતા કરવાનું ચાલુ રાખી શકો છો, અથવા તમે દરેક વસ્તુને ભગવાન તરફ ફેરવવાનું પસંદ કરી શકો છો અને દરેક વસ્તુ વિશે પ્રાર્થના કરી શકો છો. વિશ્વાસ રાખવાની શક્તિ છે કે ભગવાન તમારા ભલા માટે બધું એકસાથે કરી શકે છે.”

છેલ્લા 18 મહિનાથી અલગ રહેતા હતા

રિપોર્ટ્સનું માનીએ તો તેઓ છેલ્લા 18 મહિનાથી અલગ રહેતા હતા. જ્યારે છૂટાછેડા પાછળનું કારણ પૂછવામાં આવ્યું ત્યારે યુઝવેન્દ્ર અને ધનશ્રીએ તેનું કારણ ‘કોમ્પેટિબિલિટી ઇશ્યૂ’ ગણાવ્યું. વિચાર-વિમર્શ બાદ કોર્ટે તેમના છૂટાછેડાના નિર્ણયને મંજૂરી આપી હતી. ચુકાદાની અંતિમ સુનાવણી સાંજે 4.30 કલાકે થઈ હતી.

60 કરોડની એલિમોની રકમ

દાવો કરવામાં આવી રહ્યો છે કે યુઝવેન્દ્ર ધનશ્રીને 60 કરોડ રૂપિયાની મોટી એલિમોની રકમ આપી શકે છે. જો કે, હજી સુધી તેની પુષ્ટિ થઈ નથી, પરંતુ જો તે સાચું છે તો યુઝવેન્દ્ર ચહલ માટે આ એલિમની રકમ મોટી હોઈ શકે છે.

આ રીતે છૂટાછેડાની ચર્ચા શરૂ થઈ

યુઝવેન્દ્ર ચહલ અને ધનશ્રી વર્માના લગ્નમાં સમસ્યાઓ ત્યારે સામે આવી જ્યારે બંનેએ થોડા મહિના પહેલા ઈન્સ્ટાગ્રામ પર એકબીજાને અનફોલો કરી દીધા હતા. ચહલે તેની ઇન્સ્ટાગ્રામ પ્રોફાઇલ પરથી ધનશ્રી વર્મા સાથેની તમામ સોશિયલ મીડિયા તસવીરો પણ હટાવી દીધી હતી.

આ પછી જ્યારે ધનશ્રીએ તેના ઈન્સ્ટાગ્રામ એકાઉન્ટ પરથી ‘ચહલ’ સરનેમ પણ હટાવી દીધી, ત્યારે તેમના છૂટાછેડાની અટકળોએ જોર પકડ્યું. યુઝવેન્દ્રએ એક પોસ્ટ શેર કર્યા બાદ ધનશ્રી વર્માએ આ પગલું ભર્યું હતું જેમાં ક્રિકેટરે લખ્યું હતું, “ન્યુ લાઇફ લોડિંગ”  યુઝવેન્દ્ર ચહલ અને ધનશ્રી વર્માના લગ્ન 11 ડિસેમ્બર, 2020 ના રોજ ગુરુગ્રામમાં થયા હતા.

આ પણ વાંચો:ટીમ ઈન્ડિયામાં ન મળ્યો મોકો તો આ ટીમમાં જોડાયા યુઝવેન્દ્ર ચહલ, ડેબ્યૂમાં જ કરી બતાવ્યું કમાલ

આ પણ વાંચો:યુઝવેન્દ્ર ચહલનો ટીપ્સ આપતો વીડિયો સામે આવ્યો, આ કઇ લાઇનમાં આવી ગયા છો ફેન્સે કરી કોમેન્ટ

આ પણ વાંચો:યુઝવેન્દ્ર ચહલે ડિઝાઇન કરી રાજસ્થાન રોયલ્સની જર્સી, જુઓ ફર્સ્ટ લુક