Rajkot News: માર્ગ અને ગૃહનિર્માણ વિભાગના એક અધિકારી ભાવનગરના પ્રવાસેથી પરત ફરતી વખતે કાર પુલ પરથી પડતાં અધિકારી અને ડ્રાઈવરનું મોત થયુંં છે. રાજકોટ-ભાવનગર રોડ પર મહિકા નજીક અકસ્માત થયો હતો. અધિકારીની બોલેરો કાર 40 ફૂટની ઊંચાઈથી પડીને પુલ નીચે પડતા અકસ્માત સર્જાયો હતો.

પ્રાપ્ત માહિતી અનુસાર, 5 જૂનનાં રોજ રાજકોટ-ભાવનગર રોડ પર મહિકા નજીક માર્ગ અને મકાન વિભાગની એક કાર 40 ફૂટની ઊંચાઈ પરથી પુલ નીચે પડી ગઈ હતી. આ અકસ્માતમાં અધિકારી અને ડ્રાઈવર બંનેનું મોત નિપજ્યું હતું. અધિકારી ભાવનગર પ્રવાસે ગયા હતા અને ત્યાંથી પરત ફરતી વખતે આ અકસ્માત થયો હતો. માર્ગ અને મકાન વિભાગના એક ટેકનિકલ અધિકારી ગુરુવારે ભાવનગરથી પરત ફરી રહ્યા હતા.

આ દરમિયાન, ડ્રાઇવરે અચાનક પુલ પર વાહન પરનો કાબૂ ગુમાવ્યો હતો. ત્યારબાદ કાર પુલ પરથી નીચે પડી ગઈ, જેના કારણે આ ભયંકર અકસ્માત સર્જાયો હતો. બંનેના મૃતદેહ આખી રાત કારમાં જ રહ્યો હતો. બાદમાં સવારે નજીકના લોકોને આ વાતની જાણ થઈ અને તેમણે પોલીસનો સંપર્ક કરતા સમગ્ર ઘટનાની જાણ થઈ છે.

આ પણ વાંચો:અમદાવાદના સરખેજ નજીક નવી બનતી સાઈટ પર ક્રેનનું બકેટ તુટી પડતા શ્રમિકનું મોત

આ પણ વાંચો:જામનગરના નાંદુરી ગામમાં ટ્રેક્ટર પલટી ખાતા શ્રમિકનું મૃત્યુ

આ પણ વાંચો:પાટણમાં રેલવેની કામગીરી દરમિયાન ભેખડ ધસી પડતા શ્રમિકનું મોત