Delhi News : દિલ્હીના અશોકનગર વિસ્તારમાં બુરખો પહેરેલી એક વ્યક્તિએ ઘરમાં ઘૂસીને છોકરીને 5મા માળની છત પરથી ધક્કો મારી દીધો. આસપાસના લોકોએ પીડિત છોકરી નેહા (19 વર્ષ)ને GTB હોસ્પિટલમાં દાખલ કરી, જ્યાં સારવાર દરમિયાન તેનું મોત નીપજ્યું.આરોપીની ઓળખ તૌફીક (26 વર્ષ) તરીકે થઈ છે. તે ઉત્તરપ્રદેશના રામપુરનો રહેવાસી છે. આ ઘટના સોમવારે સવારે 8:30 વાગ્યાની આસપાસ બની હતી. ઘટના પછીથી ફરાર આરોપી તૌફીકની પોલીસે બુધવારે ધરપકડ કરી હતી.
પોલીસના જણાવ્યા અનુસાર, તૌફીક પોતાની ઓળખ છુપાવવા માટે બુરખો પહેરીને નેહાના ઘરમાં પ્રવેશ્યો હતો. સીસીટીવી ફૂટેજમાં બુરખો પહેરેલી એક વ્યક્તિ બિલ્ડિંગમાં પ્રવેશતી અને બહાર નીકળતી જોવા મળી હતી. પોલીસે હત્યાનો કેસ નોંધ્યો છે અને સીસીટીવી ફૂટેજની મદદથી ઘટનાની તપાસ કરી રહી છે.અનુસાર, નેહા અને તૌફીક છેલ્લા કેટલાક મહિનાઓથી રિલેશનશિપમાં હતાં. જ્યારે નેહાને ખબર પડી કે તૌફીકના લગ્ન બીજી છોકરી સાથે નક્કી થયા છે ત્યારે બંને વચ્ચે પાંચમા માળે ટેરેસ પર ઝઘડો થયો. આ દરમિયાન તૌફીકે નેહાને ટેરેસ પરથી ધક્કો મારી દીધો.
જોકે નેહાના પરિવારે બંને વચ્ચે કોઈ સંબંધ હોવાનો ઇનકાર કર્યો છે. નેહાના પિતાએ કહ્યું હતું કે તેમની પુત્રી એક સમયે તૌફીકને પોતાનો ભાઈ માનતી હતી. તે દરેક રક્ષાબંધન પર તેને રાખડી બાંધતી હતી. તૌફીક છેલ્લાં ત્રણ વર્ષથી અમારા ઘરે આવતો હતો, પરંતુ બંને વચ્ચે કોઈ પ્રેમસંબંધ નહોતો.પીડિતાના પરિવારે જણાવ્યું હતું કે આરોપી તૌફીક કેટલાક દિવસોથી નેહા પર લગ્ન માટે દબાણ કરી રહ્યો હતો. એક અઠવાડિયા પહેલાં તેણે નેહાને ધમકી આપી હતી અને કહ્યું હતું કે તે તેને બરબાદ કરી દેશે. નેહાએ તેની માતાને આ વાત કહી હતી.
નેહાની માતાએ જણાવ્યું કે ઘટનાના દિવસે નેહા સવારે વહેલા ઊઠી ગઈ. તેણે કહ્યું કે તે કપડાં સૂકવવા માટે ટેરેસ પર જઈ રહી છે. મેં તેને પાણીનો પંપ ચાલુ કરવા અને ટેરેસ પરની ટાંકી તપાસવા કહ્યું. થોડીવાર પછી મેં ચીસો સાંભળી, લોકો બૂમો પાડી રહ્યા હતા- તેને પકડો, તેને પકડો. પીડિતાની માતાએ કહ્યું- મેં તૌફીકને ભાગતો જોયો. તેણે કાળાં કપડાં પહેર્યાં હતાં. અમે તેને નેહા સાથે ભાઈ-બહેનનો સંબંધ જાળવવા કહ્યું હતું. તેણે અમારી વાત સાંભળી નહીં.
આ પણ વાંચો:વડનગરમાં લગ્નની લાલચ આપીને સગીરાનું અપહરણ, આરોપી યુવક સામે ગુનો દાખલ
આ પણ વાંચો:પુરૂષો માટે લગ્ન બન્યા વરદાન, સ્ત્રીઓ માટે નહીં: સંશોધન
આ પણ વાંચો:જૂનાગઢમાં ચાલુ લગ્ન વિધિમાં સિંહોની એન્ટ્રી! ડાલામથ્થાની ડણક સાંભળવા મળી
