Gujarat Weather:ગુજરાતમાં ચોમાસાએ જોરદાર એન્ટ્રી કરી છે અને રાજ્યના અનેક વિસ્તારોમાં ભારે વરસાદનો માહોલ જામ્યો છે. નદી-નાળાઓ છલકાઈ ગયા છે, જળાશયોમાં નવા નીરની આવક થઈ રહી છે, પરંતુ નીચાણવાળા વિસ્તારોમાં પાણી ભરાવાને કારણે લોકોને હાલાકીનો સામનો કરવો પડી રહ્યો છે. છેલ્લા 24 કલાકમાં રાજ્યના 196 તાલુકાઓમાં વરસાદ નોંધાયો છે, જ્યારે આજે સવારે 6 થી 8 વાગ્યા દરમિયાન માત્ર બે કલાકમાં 51 તાલુકાઓમાં વરસાદ ખાબક્યો છે. હવામાન વિભાગે રાજ્યમાં ત્રણ વરસાદી સિસ્ટમ સક્રિય થવાને કારણે આગામી 24થી 48 કલાકમાં ભારેથી અતિભારે વરસાદની આગાહી કરી છે.
ચોમાસાની શરૂઆતથી જ ગુજરાતમાં મેઘમેહર જોવા મળી રહ્યો છે. પરંતુ, ઘણી જગ્યાએ વરસાદ આફત બની રહ્યો છે. આવી સ્થિતિમાં, છેલ્લા 24 કલાકમાં દક્ષિણ ગુજરાત અને સૌરાષ્ટ્રમાં ભારે વરસાદ જોવા મળી રહ્યો છે. છેલ્લા 24 કલાકમાં 196 તાલુકામાં વરસાદ નોંધાયો છે. જેમાં અરવલ્લીના ભિલોડામાં સૌથી વધુ 6.6 ઇંચ વરસાદ નોંધાયો છે. વલસાડના કપરાડામાં 4.8 ઇંચ વરસાદ નોંધાયો છે. આ ઉપરાંત ધરમપુરમાં 4.45 ઇંચ વરસાદ નોંધાયો છે. દ્વારકામાં 4.48 ઇંચ વરસાદ નોંધાયો છે.
આ ઉપરાંત, સુરતના પલસાણામાં પણ 4.49 ઇંચ વરસાદ પડ્યો છે. છેલ્લા 24 કલાકમાં અરવલ્લીના ભિલોડામાં સૌથી વધુ 6.6 ઇંચ વરસાદ નોંધાયો છે. ભારે વરસાદને કારણે નદીના પાણીમાં નવો પ્રવાહ આવ્યો છે. આ ઉપરાંત, ઇન્દ્રશી અને હાથમતી નદીઓમાં પણ નવું પાણી આવ્યું છે. અરવલ્લીના મોડાસા તરફ અચાનક પાણીનો પ્રવાહ આવતાં 3000 ક્યુસેક પાણી છોડવામાં આવ્યું હતું. મોડાસા શહેર સહિત તાલુકાના 16 ગામોને એલર્ટ કરવામાં આવ્યા છે. આ ઉપરાંત ધનસુરા તાલુકાના 13 ગામો અને બાયડના 11 ગામોને એલર્ટ કરવામાં આવ્યા છે.
દક્ષિણ ગુજરાતના તાપીની વાત કરીએ તો, તાપીના વ્યારામાં સૌથી વધુ 3.5 ઇંચ વરસાદ નોંધાયો છે. વ્યારાના જેતપુર મેદાવને જોડતો લો લેવલ કોઝવે ભારે વરસાદને કારણે પાણીમાં ડૂબી ગયો. ભારે વરસાદને કારણે વ્યારામાં 10, વાલોડમાં 2, સોનગઢમાં 11 અને ડોલવણમાં 2 રસ્તા વાહનવ્યવહાર માટે બંધ કરવામાં આવ્યા છે. તાપીમાં ભારે વરસાદને કારણે નદીમાં પાણી ઘૂસી ગયા છે. મિંડોલા, અંબિકા, પૂર્ણા, ઓલણ, જાખરી નદીઓ બંને બાજુ વહેતી થઈ છે.
આ સિવાય સુરેન્દ્રનગરના લીંબડી તાલુકામાં પણ ભારે વરસાદ જોવા મળ્યો હતો. લીંબડી અને તેના ઉપરવાસમાં ભારે વરસાદને કારણે કમાલપુર ગામ સંપર્કવિહોણું બન્યું છે. મુખ્ય રસ્તાઓ પર પાણી ભરાઈ જવાથી લોકોને મુશ્કેલીનો સામનો કરવો પડી રહ્યો છે. નોંધનીય છે કે દર વર્ષે ચોમાસા દરમિયાન કમાલપુર ગામને જોડતા મુખ્ય રસ્તાઓ પર આવી જ પરિસ્થિતિ સર્જાય છે. દ્વારકામાં પણ આવી જ પરિસ્થિતિ સર્જાય છે. જેમાં કલ્યાણપુર તાલુકાના સૂર્યવદર ગામના ખેતરો પાણીમાં ડૂબી ગયા હતા. મુશળધાર વરસાદને કારણે સાની નદીના પાણી ખેતરોમાં ભરાઈ ગયા હતા. જેના કારણે ઘણા ગામો સંપર્કવિહોણા બની ગયા છે.
બે કલાકમાં 51 તાલુકામાં વરસાદ: વ્યારા ટોચ પર
આજે સવારે 6 થી 8 વાગ્યા દરમિયાન રાજ્યના 51 તાલુકાઓમાં વરસાદ નોંધાયો છે. સૌથી વધુ વરસાદ વ્યારા તાલુકામાં 1.9 ઈંચ ખાબક્યો છે. આ ઉપરાંત, બારડોલી અને વાલોદમાં 1.2 ઈંચ, ડોલવણ, સોનગઢ અને ઉત્તર ગુજરાતમાં પણ મેઘમહેર યથાવત છે.
છેલ્લા 24 કલાકનો વરસાદી આંકડો
છેલ્લા 24 કલાકમાં રાજ્યના 196 તાલુકાઓમાં વરસાદ નોંધાયો છે, જેમાં સૌથી વધુ ભીલોડામાં 5.7 ઈંચ વરસાદ ખાબક્યો છે. અન્ય વિસ્તારોમાં વરસાદનો આંકડો આ પ્રમાણે છે:કપરાડા: 4.8 ઈંચ, ધરમપુર 4.5 ઈંચ, દ્વારકા 4.4 ઈંચ, ડોલવણ 4.1 ઈંચ ,ડેડીયાપાડા, વ્યારા, ડાંગ, વઘઈ, કલ્યાણપુર, પાવી જેતપુર 3.9 ઈંચ,વાંસદા, ખેરગામ 3.7 ઈંચ, સુરત શહેર, તાપી, સોનગઢ 3.5 ઈંચ, ચીખલી, ઉમરપાડા, પલસાણા 3.4 ઈંચ, વાલોડ, હાંસોટ, બારડોલી 2.8 ઈંચ.
હવામાન વિભાગની આગાહી: ભારે વરસાદનો ખતરો
હવામાન વિભાગના જણાવ્યા અનુસાર, રાજ્યમાં ત્રણ વરસાદી સિસ્ટમ (સાયક્લોનિક સર્ક્યુલેશન) સક્રિય થઈ છે, જેના કારણે આગામી 24થી 48 કલાકમાં ભારેથી અતિભારે વરસાદની શક્યતા છે. ખાસ કરીને, સૌરાષ્ટ્ર અને કચ્છના વિસ્તારોમાં આગામી 24 કલાકમાં ભારે વરસાદની ચેતવણી જારી કરવામાં આવી છે.
રાજકોટ, ભાવનગર, અમરેલી, જૂનાગઢ, મોરબી, દ્વારકા,બનાસકાંઠા, સાબરકાંઠા, અરવલ્લી, પાટણ, મહેસાણા આ વિસ્તારોમાં ભારેથી અતિભારે વરસાદની આગાહી છે.
દક્ષિણ ગુજરાતના સુરત, ડાંગ, તાપી, નવસારી, વલસાડ, ભરૂચમાં પણ વરસાદની આગાહી છે, જ્યારે પંચમહાલમાં છૂટાછવાયા વરસાદની શક્યતા છે. અમદાવાદ અને ગાંધીનગરમાં સામાન્યથી મધ્યમ વરસાદની અપેક્ષા છે.
આ પણ વાંચોઃગુજરાતને વરસાદે કર્યુ તરબોળઃ વડગામમાં 9, પાલનપુરમાં 7, વિજાપુરમાં 6 ઇંચ વરસાદ
આ પણ વાંચોઃ પાલનપુરમાં નોંધાયો 7 ઈંચ વરસાદ,અમદાવાદ-પાલનપુર હાઈવે પર ફેલાયા પાણી
