Breaking News: વડોદરાથી એક મોટી દુર્ઘટના સામે આવી છે. અહીં પાદરા-જંબુસર વચ્ચેનો ગંભીરા પુલ તૂટી પડ્યો હતો, જેના કારણે અનેક વાહનો નદીમાં પડી ગયા હતા. જ્યારે એક ટ્રક પુલ પર લટકતી જોવા મળી હતી. ઘટનાની માહિતી મળતા જ વહીવટીતંત્રમાં ખળભળાટ મચી ગયો હતો. મધ્ય ગુજરાત અને સૌરાષ્ટ્રને જોડતો આ પુલ આણંદ અને વડોદરા જિલ્લાઓને જોડવામાં પણ મહત્વપૂર્ણ ભૂમિકા ભજવે છે.

દક્ષિણ ગુજરાત, સૌરાષ્ટ્ર અને મધ્ય ગુજરાતમાં તાજેતરના વરસાદને કારણે ઘણા રસ્તાઓ જર્જરિત થઈ ગયા છે, જ્યારે ઘણી જગ્યાએ પુલોને પણ નુકસાન થયું છે. રાજ્યમાં ભારે વરસાદને કારણે મુખ્યમંત્રી ભૂપેન્દ્ર પટેલે તાજેતરમાં એક ઉચ્ચ સ્તરીય બેઠક યોજી હતી. જેમાં મુખ્યમંત્રીએ ગુણવત્તાયુક્ત કામ કરતા કોન્ટ્રાક્ટરોને કામ આપવાનું સૂચન પણ કર્યું હતું. આજે સવારે સમાચાર આવ્યા કે આણંદ-પાદરાને જોડતો પુલ અચાનક તૂટી પડવાથી 10 લોકોના મોત થયા છે. આ દુર્ઘટનાના પગલે રાજ્ય સરકારે બે લાખની સહાય જાહેર કરી છે અને પીએમ મોદીએ પણ મૃતકોના કુટુંબીજનોને આશ્વાસન પાઠવ્યા છે અને આ દુર્ઘટના અંગે દુઃખ વ્યત કર્યુ છે. ઘેરા શોકની લાગણી કરી છે. તેની સાથે પ્રધાનમંત્રી સહાયનિધિમાંથી તાત્કાલિક 50 હજાર રૂપિયાની સહાયની જાહેરાત કરી છે.

પ્રધાનમંત્રીએ વળતરની જાહેરાત કરી

આ ઘટના પર પ્રધાનમંત્રી મોદીએ કહ્યું, ‘ગુજરાતના વડોદરા જિલ્લામાં પુલ તૂટી પડવાથી થયેલા જાનહાનિ અત્યંત દુઃખદ છે. જેમણે પોતાના પ્રિયજનો ગુમાવ્યા છે તેમના પ્રત્યે મારી સંવેદના છે. હું ઘાયલોના ઝડપથી સ્વસ્થ થવાની કામના કરું છું. પ્રધાનમંત્રી રાષ્ટ્રીય રાહત ભંડોળમાંથી દરેક મૃતકના પરિવારને 2 લાખ રૂપિયાની સહાય આપવામાં આવશે. ઘાયલોને 50,000 રૂપિયા આપવામાં આવશે.’

The loss of lives due to the collapse of a bridge in Vadodara district, Gujarat, is deeply saddening. Condolences to those who have lost their loved ones. May the injured recover soon.

An ex-gratia of Rs. 2 lakh from PMNRF would be given to the next of kin of each deceased. The…

— PMO India (@PMOIndia) July 9, 2025

મુખ્યમંત્રી ભૂપેન્દ્ર પટેલે શોક વ્યક્ત કર્યો

મુખ્યમંત્રી ભૂપેન્દ્ર પટેલે કહ્યું, “આણંદ અને વડોદરાને જોડતા ગંભીરા પુલના 23 સ્પાનમાંથી એકના તૂટી પડવાથી થયેલી દુર્ઘટના દુઃખદ છે. આ અકસ્માતમાં માર્યા ગયેલા લોકો માટે હું પ્રાર્થના કરું છું. મેં વડોદરા કલેક્ટર સાથે વાત કરી છે અને ઘાયલોની તાત્કાલિક સારવારની વ્યવસ્થા કરવા અને પ્રાથમિકતાના ધોરણે વ્યવસ્થા કરવા સૂચના આપવામાં આવી છે. સ્થાનિક નગરપાલિકા અને વડોદરા મ્યુનિસિપલ કોર્પોરેશનની ફાયર બ્રિગેડ બોટ અને તરવૈયાઓ સાથે અકસ્માત સ્થળે બચાવ અને રાહત કાર્યમાં રોકાયેલી છે, જ્યારે NDRF ટીમ પણ ઘટનાસ્થળે પહોંચી ગઈ છે અને બચાવ કામગીરીમાં જોડાઈ છે. માર્ગ બાંધકામ વિભાગને આ અકસ્માતની તાત્કાલિક તપાસ કરવાનો આદેશ આપવામાં આવ્યો છે.”

પ્રવક્તા મંત્રી ઋષિકેશ પટેલે પણ આ સંદર્ભમાં નિવેદન આપ્યું હતું કે આણંદ અને પાદરાને જોડતા પુલનો એક ભાગ તૂટી પડ્યો છે અને લગભગ 5 વાહનો તેમાં ફસાઈ ગયા છે. તેમણે વધુમાં જણાવ્યું હતું કે 212 કરોડના ખર્ચે નવો પુલ બનાવવા માટે મંજૂરી આપવામાં આવી છે. મુખ્યમંત્રીએ ટેકનિકલ નિષ્ણાતોને ઘટનાસ્થળે મોકલ્યા છે અને તપાસ શરૂ કરવામાં આવી છે. ત્યારે આ સમગ્ર ઘટનમાં કુલ 12 લોકોના મોત નીપજ્યા છે. તેમજ ઘણા લોકો ઈજાગ્રસ્ત થયા છે.

મૃતકોની યાદી સામે આવી 

વૈદિકા રમેશભાઈ પઢીયાર, ગામ-દરિયાપુરા

નૈતિક રમેશભાઈ પઢીયાર, ગામ-દરિયાપુરા

હસમુખભાઈ મહીજીભાઈ પરમાર, ગામ-મજાતણ

રમેશભાઈ દલપતભાઈ પઢીયાર, ઉં. વ.32, ગામ-દરિયાપુરા

વખતસિંહ મનુસિંહ જાદવ, ગામ-કાન્હવા

પ્રવિણભાઈ રાવજીભાઈ જાદવ, ઉં. વ.26, ગામ-ઉંડેલ

અજાણ્યા શખ્સ

અજાણ્યા શખ્સ

અજાણ્યા શખ્સ

ઈજાગ્રસ્તોની યાદી

સોનલબેન રમેશભાઈ પઢિયાર, ઉં. વ. 45, ગામ-દરિયાપુરા

નરેન્દ્રસિંહ રતનસિંહ પરમાર, ઉં. વ. 45, ગામ-દહેવાણ

ગણપતસિંહ ખાનસિંહ રાજુલા, ઉં. વ. 40, ગામ-રાજસ્થાન

દિલીપભાઈ રામસિંહ પઢિયાર, ઉં. વ. 35, ગામ-નાની શેરડી

રાજુભાઈ ડુડાભાઇ, ઉં. વ. 30, ગામ-દ્વારકા

રાજેશભાઈ ઈશ્વરભાઈ ચાવડા, ઉં. વ. 45, ગામ-દેવાપુરા

વડોદરા આણંદને જોડતો ગંભીરા બ્રિજ ધરાશાયી થયાની જાણ થતાં વડોદરા ફાયરની 3 ટિમો રેસ્ક્યુ માટે પહોંચી હતી, ત્યારે જિલ્લા કલેકટર ડૉ. અનિલ ધામેલીયા પહોંચ્યા હતા.

પાદરા પુલ તૂટી પડવાના કેસમાં સરકારે કાર્યવાહી કરી છે. મુખ્યમંત્રી ભૂપેન્દ્ર પટેલે પુલ તૂટી પડવાની ઘટનાની માહિતી લીધી છે. ઉપરાંત, પ્રભારી હર્ષ સંઘવીએ કલેક્ટર સાથે ચર્ચા કરી છે અને પુલ તૂટી પડવાની સમગ્ર ઘટનાથી મુખ્યમંત્રીને વાકેફ કર્યા છે. પુલ તૂટી પડ્યા બાદ કરવામાં આવેલી કાર્યવાહી અંગે પણ તેમને માહિતગાર કરવામાં આવ્યા છે. ઉપરાંત, મુખ્યમંત્રી ભૂપેન્દ્ર પટેલે પુલ તૂટી પડવા અંગે કલેક્ટર સાથે ચર્ચા કરી છે.

આ દુર્ઘટનાને લઈ મંત્રી ઋષિકેશ પટેલનું નિવેદન સામે આવ્યું છે.તેમણે કહ્યું  કેબ્રિજ વચ્ચેનો એક સ્લેબ તૂટવાની માહિતી મળી છે.  5 લોકોનું રેસક્યું કરી લેવાયું છે,તેમજ ત્રણ લોકોના મોત નિપજ્યાં છે. અમે નવો બ્રિજ બનાવવા નવો બ્રિજ બનાવવાની મંજૂરી આપી હતી.એટલુજ નહીં મુખ્યમંત્રીએ તાત્કાલિક તપાસના આદેશ આપ્યા છે. જોકે ગૃહરાજ્ય મંત્રી હર્ષ સંઘવીએ આ સમગ્ર ઘટનાની જાણ મુખ્યમંત્રીને કરી હતી.તેમજ સમગ્ર ઘટના અંગે તેમણે માહિતી મેળવી હતી.

મળતી માહિતી મુજબ, એક ટ્રક, એક બોલેરો અને એક બાઇક સહિત પાંચ વાહનો નદીમાં પડી ગયા છે. આ ઘટના અંગે ખુદ કલેક્ટરે માહિતી આપી છે. તે જ સમયે, કોંગ્રેસના વરિષ્ઠ નેતા અમિત ચાવડાએ પણ X પર પોસ્ટ કરીને ઘટનાનો વીડિયો શેર કર્યો છે. પુલ તૂટી પડવાથી ભારે ટ્રાફિક જામની સ્થિતિ પણ સર્જાઈ છે. આ વાતને ધ્યાનમાં રાખીને, અમિત ચાવડાએ વહીવટીતંત્રને ટ્રાફિકને સરળ બનાવવા માટે વૈકલ્પિક વ્યવસ્થા કરવા અપીલ કરી છે. જાણવા મળ્યું છે કે આ પુલનું નામ ગંભીરા પુલ છે.

આણંદ અને વડોદરા જિલ્લાને જોડતો મુખ્ય ગંભીરા બ્રીજ તૂટી પડ્યો છે.અનેક વાહનો નદીમાં પડતા મોટી જાનહાનિ થઈ હોવાની શક્યતા છે. સરકારી તંત્ર તાત્કાલિક બચાવ કામગીરી હાથ ધરે અને ટ્રાફિક માટે વૈકલ્પિક વ્યવસ્થા કરવામાં આવે.@CMOGuj @dgpgujarat @Bhupendrapbjp @sanghaviharsh @CollectorAnd pic.twitter.com/Xn1vIB9QEs

— Amit Chavda (@AmitChavdaINC) July 9, 2025

ગંભીરા પુલ દુર્ઘટનામાં ત્રણ લોકોના મોત થયા છે. વર્ષો જૂનો ગંભીરા પુલ તૂટી પડ્યો. આ સમગ્ર ઘટનામાં 4 લોકો નદીમાં ડૂબી ગયા હોવાની આશંકા છે. પાદરા પોલીસ અને ફાયર બ્રિગેડની ટીમ ઘટનાસ્થળે પહોંચી ગઈ છે. તરવૈયાઓ અને સ્થાનિક લોકોની મદદથી બચાવ કામગીરી શરૂ કરવામાં આવી છે. આ પુલ 1981 માં બનાવવામાં આવ્યો હતો અને 1985 માં ખુલ્લો મૂકવામાં આવ્યો હતો. NDRF ની એક ટીમ બચાવ માટે રવાના થઈ ગઈ છે. રાહત અને બચાવ કાર્ય શરૂ કરવામાં આવ્યું છે.

ગુજરાત વિધાનસભામાં કોંગ્રેસ પક્ષના નેતા અને અકલાવના ધારાસભ્ય ચાવડાએ આપેલી માહિતી મુજબ, આ પુલ આણંદ અને વડોદરા જિલ્લાને જોડે છે અને આ પુલનો કાર્યક્ષેત્ર વડોદરા જિલ્લામાં આવતો હોવાથી, વહીવટીતંત્રે તેનું કામ પોતાના હાથમાં લીધું છે. તેમણે જણાવ્યું કે પુલ તૂટી પડવાની ઘટના અંગે પોલીસને જાણ કરવામાં આવી છે. હાલમાં પુલ તૂટી પડવાથી પાંચ વાહનો નદીમાં પડી ગયા છે અને એક ટ્રક લટકતી પડી છે. બંનેને જાણ કરવામાં આવી છે. આ પુલ મહિસાગર નદી પર આવેલો છે. તેનું બાંધકામ 1985માં પૂર્ણ થયું હતું. પુલ તૂટી પડતાંની સાથે જ માર્ગ બાંધકામ વિભાગની ગંભીર બેદરકારી છતી થઈ ગઈ છે કારણ કે સરકારે નવા પુલના નિર્માણને મંજૂરી આપી હતી અને નવા પુલ માટે સર્વે પણ કરવામાં આવ્યો હતો, પરંતુ આ પુલની જર્જરિત હાલત હોવા છતાં, તેને બંધ કરવામાં આવ્યો ન હતો.

આ પણ વાંચો:વડોદરામાં આપના કાર્યકરો દ્વારા BJPના ભ્રષ્ટાચારની અંતિમ યાત્રા કાઢવામાં આવી, ટ્રસ્ટ મફત સેવા આપે છે તો કોન્ટ્રાક્ટર સિસ્ટમ કેમ?’

આ પણ વાંચો:વડોદરા શહેરમાં સ્કૂલોને બોમ્બ ધમકીનો સિલસિલો યથાવત,અમીન સ્કૂલને RDXથી ઉડાવવાની ધમકી, પોલીસ તપાસમાં

આ પણ વાંચો:વડોદરામાં 12 દિવસમાં ત્રીજી સ્કૂલ નિશાના પર,સિગ્નસ સ્કૂલને બોમ્બથી ઉડાવવાની ધમકી