Bhavnagar News : કોન્ટ્રાક્ટરના 10 લાખની રકમના બિલોની મંજુરી માટે રૂ.65,000 ની લાંચ લેતા ભાવનગર રેલવે ડીવીઝનનો આસીસ્ટન્ટ ઇલેક્ટ્રીક એન્જિનિયર ટિપ્પે સ્વામી લક્કામા દાસર ACBને હાથે ઝડપાઈ ગયો હતો. આ કેસની વિગત મુજબ ફરીયાદી ઇલેક્ટ્રીક કોન્ટ્રાક્ટર છે .
તેમને રેલવે ડીવીઝન ભાવનગરમાંથી મળેલા કોન્ટ્રાક્ટના કામોનાં આશરે રૂપીયા દસ લાખની રકમનાં રનિંગ બીલોની મંજુરી લેવાની હતી. જેમાં ભાવનગર રેલવે ડિવીઝન, રેલવે DRM કચેરીના આસીસ્ટન્ટ ઇલેક્ટ્રીક એન્જિનિયર ટિપ્પે સ્વામી લક્કામા દાસરએ બીલની રકમ નાં 4 ટકા લેખે એડવાન્સ તથા ફરીયાદીને અન્ય એક “વર્ક ઓર્ડર “ આપેલ હોઇ તેના પોઇન્ટ પાંચ ટકા લેખે એમ કુલ રૂ.65,000 ની લાંચ ની માંગણી કરેલ હતી .
પરંતુ ફરીયાદી લાંચનાં નાણાં આપવા માંગતા ના હોઇ ACBનો સંપર્ક કરી ફરીયાદ આપી હતી. જેમાં ભાવનગર ડી.આર.એમ કચેરી આરોપીની ઓફિસમાં ગોઠવેલા લાંચનાં છટકા દરમ્યાન આરોપી ફરિયાદી પાસેથી લાંચનાં રૂ.65,000 સ્વીકારતાં રંગેહાથ પકડાઇ ગયો હતો.
આ પણ વાંચો: મંતવ્ય ન્યૂઝની મહેનત રંગ લાવી! રાજકોટ પોલીસનું ધ્યાન દોરતા દીકરીઓને સાસરે વળાવી
આ પણ વાંચો: રાજકોટ સિવિલ હોસ્પિટલમાં ઉંદરોના ત્રાસ મામલે મંતવ્ય ન્યૂઝના અહેવાલ બાદ તંત્ર દોડતું થયું
