Ahmedabad News: અમદાવાદમાં હજી થોડા સમય પહેલાં જ સોમલલિત સ્કૂલમાં ભણતી દસમા ધોરણની વિદ્યાર્થીનીએ આત્મહત્યા કરી હતી અને તેને માંડ અઠવાડિયું પણ થયું નથી ત્યાં સુરતમાં જ દસમા ધોરણમાં ભણતી 16 વર્ષની વિદ્યાર્થીની અશ્વિતા ડામોરે આત્મહત્યા કરતા ચકચાર મચી ગઈ છે.
અશ્વિતા ડામોરે ઘરથી લગભગ ચાર કિમી દૂર આવેલા એક બાંધકામ સ્થળના છઠ્ઠા માળેથી કૂદીને આત્મહત્યા કરી છે. આ વિદ્યાર્થીનીએ ભેસ્તાનમાં પોતાના ઘરથી પાંડેસરા જઈને આત્મહત્યા કરી હતી. જ્યારે અશ્વિતા બાંધકામ સ્થળ પર પહોંચી ત્યારે ત્યાં હાજર સુરક્ષા ગાર્ડે તેને બૂમ પાડી, પરંતુ તે કંઈ સમજે કે કોઈ કાર્યવાહી કરે તે પહેલાં, તે સીધી છઠ્ઠા માળે ગઈ અને કૂદી પડી. ત્યારબાદ ગાર્ડે તાત્કાલિક પોલીસને જાણ કરી.
સાતમી ઓગસ્ટ 2025ના રોજ સાંજે, અશ્વિતાએ તેના પરિવારને કહ્યું કે તે ટ્યુશનથી આવી છે અને હવે તેની બહેનના ઘરે જઈ રહી છે. પરંતુ તે રાત્રે આઠ વાગ્યા સુધી પાછી ન આવી અને તેનો મોબાઈલ ફોન બંધ થઈ જતાં પરિવાર ચિંતિત થઈ ગયો. રાત્રે 11 વાગ્યા સુધી રાહ જોયા બાદ, પરિવારે આખરે ભેસ્તાન પોલીસ સ્ટેશનમાં ગુમ થયાની ફરિયાદ નોંધાવી.
આ ફરિયાદ મળતાં, ભેસ્તાન પોલીસે તાત્કાલિક કાર્યવાહી કરી. પોલીસે તેના મોબાઈલ ફોનના લોકેશનના આધારે અશ્વિતાની શોધ શરૂ કરી. પાંડેસરા વિસ્તારમાં લોકેશન મળતાં પોલીસે તે તરફ નજર ફેરવી. તપાસમાં જાણવા મળ્યું કે અશ્વિતા ભેસ્તાનથી રિક્ષા દ્વારા પાંડેસરાના તિરુપતિ સર્કલ આવી હતી. અહીંથી તે એકલી ચાલીને સ્વપ્નલોક નિર્માણ સ્થળ ગઈ હતી, જે ભિસ્તાનથી લગભગ પાંચ મિનિટ દૂર છે.
આ કેસમાં, પાંડેસરા પોલીસ સ્ટેશનના ઇન્સ્પેક્ટર એચ.એમ. ગઢવીએ જણાવ્યું હતું કે વિદ્યાર્થીની ભેસ્તાનથી ઓટો દ્વારા પાંડેસરાના તિરુપતિ સર્કલ આવી હતી અને ત્યાંથી બાંધકામ સ્થળ પર ચાલીને ગઈ હતી. તેણે છઠ્ઠા માળેથી કૂદી પડી હતી. આત્મહત્યા પાછળના વાસ્તવિક કારણો શોધવા માટે અમે સંપૂર્ણ તપાસ કરી રહ્યા છીએ. વિદ્યાર્થીના મોબાઇલ અને તેના સંપર્કોની પણ તપાસ કરવામાં આવી રહી છે.
આ ઘટનાએ ઘણા પ્રશ્નો ઉભા કર્યા છે. દસમા ધોરણમાં ભણતી કિશોરીએ, જેનું જીવન શરૂ થવાનું હતું, તેણે આટલું મોટું પગલું કેમ ભર્યું? શું તેના પર અભ્યાસનું કોઈ દબાણ હતું? કે પછી કોઈ અંગત કારણો હતા જેના કારણે તેણે આટલો આકરો નિર્ણય લીધો હાલમાં પોલીસે મૃતદેહને પોસ્ટમોર્ટમ માટે નવી સિવિલ હોસ્પિટલમાં મોકલી આપ્યો છે અને વધુ તપાસ ચાલુ છે.
આ પણ વાંચો: સુરતમાં પ્રેમીએ દગો કરતાં પ્રેમિકાએ કર્યો આત્મહત્યાનો પ્રયત્ન
આ પણ વાંચો: સુરતમાં સગીરાની ટીનેજર પ્રેમીના ત્રાસથી આત્મહત્યા
