વડોદરામાં બિલ્ડરના ત્રાસથી કંટાળી ને એક  40 વર્ષીય યુવકે મોતને વ્હાલુ કર્યુ છે. ગોત્રી વિસ્તારમાં આવેલ ક્રીસ્ટલ પ્રમુખ ફ્લેટ સમાર કામ રાખ્યા બાદ બિલ્ડરે પઝેશન ન આપતા ગણેશ નામના શખ્સને બેંકનો હપ્તો અને મકાનનુ ભાડુ મળીને કુલ  4 લાખ 77 હજારનુ દેવુ થઇ ગયુ હતુ. જેથી બિલ્ડરના ત્રાસથી કંટાળીને આખરે ગણેશે પોતાના જ ઘરમાં પંખે લટકીને આત્મહત્યા કરી લીધી હતી. ઘરના મોભીની આત્મહત્યાથી આ પરિવારમાં ભારે શોકની લાગણી ફેલાઇ છે. તો ગણેશના પાડોશીઓ એ પણ બિલ્ડર પર આક્ષેપો કર્યા હતા.. આ બનાવને પગલે ક્રિસ્ટલ પ્રમુખ ફ્લેટસનાં તમામ રહીશોમાં દુઃખની લાગણી ની સાથે બિલ્ડર સામે પણ આક્રોશ વ્યાપ્યો છે. ત્યારે હવે જોવું રહ્યું કે આ રીતે લોકો ને હેરાન કરનારા બિલ્ડર સામે પોલીસ શું કાર્યવાહી કરે છે.