Rajkot News :શનિવારે રાત્રે રાજકોટના (Rajkot) ન્યારી ડેમ રોડ પર એક ચોંકાવનારી ઘટના બની, જ્યાં એક કાર પૂરપાટ ઝડપે દોડી રહી હતી ત્યારે અચાનક આગ (Fire) લાગી ગઈ. કાર સંપૂર્ણપણે આગમાં લપેટાઈ ગઈ. આ ઘટનામાં એક મુસાફરને હાથે ઈજા થઈ હોવાનું જાણવા મળ્યું છે. ફાયર વિભાગની તાત્કાલિક કાર્યવાહીને કારણે આગ પર કાબુ મેળવવામાં આવ્યો હતો, જેના કારણે મોટી જાનહાનિ ટળી ગઈ હતી.
મળતી માહિતી મુજબ, ન્યારી ડેમ રોડ પર રાત્રે આ ઘટના બની હતી. ન્યારી ડેમ રોડ પર કાર ઝડપથી દોડી રહી હતી ત્યારે અચાનક તેમાંથી ધુમાડો નીકળવા લાગ્યો હતો અને થોડીવારમાં જ આગની જ્વાળાઓએ કારને ઘેરી લીધી હતી. આગની તીવ્રતા એટલી તીવ્ર હતી કે થોડીવારમાં જ કારનો મોટાભાગનો ભાગ રાખ થઈ ગયો હતો. એક મુસાફરને હાથે ઈજા થઈ હતી, જોકે તેની હાલત સ્થિર હોવાનું જાણવા મળ્યું છે.
આ ઘટનાની જાણ થતાં જ રાજકોટ ફાયર બ્રિગેડની ટીમ તાત્કાલિક ઘટનાસ્થળે પહોંચી ગઈ. ફાયર ફાઇટરોએ કાર્યક્ષમ અને ઝડપથી આગને કાબુમાં લીધી,જેના કારણે તે આસપાસના વિસ્તારમાં ફેલાતી અટકીઆ તાત્કાલિક કાર્યવાહીથી મોટી દુર્ઘટના ટળી ગઈ.
આ પણ વાંચો:રાજકોટમાં યોજાયું સહકાર સંમેલન, અમિત શાહે સહકારી ક્ષેત્રને વધુ મજબૂત કરવા અપીલ કરી
આ પણ વાંચો:રાજકોટમાં સૌરાષ્ટ્રનું સૌથી મોટું સહકારી મહાસંમેલન, ખેડૂતોનું શક્તિ પ્રદર્શન
આ પણ વાંચો:રાજકોટમાં સૌરાષ્ટ્રનું સૌથી મોટું સહકારી મહાસંમેલન, ખેડૂતોનું શક્તિ પ્રદર્શન
