Gujarat News:હવામાન વિભાગે આજે રાજ્યમાં ફરી વરસાદની આગાહી કરી છે. દક્ષિણ ગુજરાત અને સૌરાષ્ટ્રમાં ભારે વરસાદની આગાહી છે. અમદાવાદ સહિત મધ્ય ગુજરાતમાં મધ્યમ વરસાદની આગાહી છે. અરબી સમુદ્ર પર બનેલા ઓછા દબાણવાળા ક્ષેત્રને કારણે આ વરસાદ પડવાની આગાહી છે. આગામી ત્રણ દિવસ સુધી ભારે વરસાદની સંભાવના છે.
હવામાન વિભાગની આગાહી મુજબ, ગીર સોમનાથ, દીવ, અમરેલી, ભાવનગર, ભરૂચ, સુરત, વલસાડ, નવસારી, તાપી, ડાંગ, દમણ, દાદરા અને નગર હવેલીમાં ભારે વરસાદની (Rain) આગાહી છે. રાજ્યમાં કમોસમી વરસાદનો ભય યથાવત રહેશે. આજે કેટલીક જગ્યાએ ભારે વરસાદની આગાહી છે, જ્યારે અન્ય જગ્યાએ હળવો વરસાદ પડવાની આગાહી છે. હવામાન વિભાગે સૌરાષ્ટ્ર અને દક્ષિણ ગુજરાતમાં ભારે વરસાદની ચેતવણી જારી કરી છે. અરબી સમુદ્ર પર બનેલા ઓછા દબાણવાળા ક્ષેત્રને કારણે આ વરસાદ પડવાની શક્યતા છે.
આગામી વરસાદી પ્રણાલીની સૌથી મોટી અસર સૌરાષ્ટ્ર અને કચ્છ પ્રદેશો પર થવાની ધારણા છે, જ્યાં ભારે વરસાદ પડવાની શક્યતા છે. તેથી, હવામાન વિભાગે આ વિસ્તારો માટે 3 દિવસ માટે ઓરેન્જ એલર્ટ જારી કર્યું છે. દક્ષિણ ગુજરાતના જિલ્લાઓમાં આગામી 2 દિવસ માટે ભારે વરસાદ માટે યલો એલર્ટ પણ જારી કરવામાં આવ્યું છે. રાજ્યના મધ્ય ભાગમાં આવેલા અમદાવાદ જિલ્લામાં પણ હળવાથી મધ્યમ વરસાદની આગાહી કરવામાં આવી છે, જેના કારણે શહેરી વિસ્તારોમાં સામાન્ય જનજીવન પ્રભાવિત થઈ શકે છે.
ભારે વરસાદની આગાહી સાથે, રાજ્યના અન્ય કેટલાક ભાગોમાં પણ હળવાથી મધ્યમ વરસાદની આગાહી કરવામાં આવી છે. મોરબી, જામનગર, રાજકોટ, સુરેન્દ્રનગર, બોટાદ, અમદાવાદ, મહેસાણા, ગાંધીનગર, સાબરકાંઠા, અરવલ્લી, ખેડા, આણંદ, વડોદરા, પંચમહાલ, મહિસાગર, દાહોદ, નર્મદા અને છોટા ઉદેપુરમાં હળવો વરસાદ અથવા ઝાપટા પડવાની શક્યતા છે. પ્રતિકૂળ હવામાન અને તોફાની દરિયાની સંભાવનાને ધ્યાનમાં રાખીને, માછીમારોને આગામી 5 દિવસ સુધી દરિયામાં ન જવાની કડક સલાહ આપવામાં આવી છે. રાજ્યના તમામ બંદરો પર LCS નંબર 3 ભયજનક સંકેત લહેરાવવામાં આવ્યો છે, જે બંદરોથી રવાના થતા જહાજો માટે ગંભીર હવામાન ચેતવણી સૂચવે છે.
આ પણ વાંચો:આગામી 48 કલાક સૌરાષ્ટ્ર પર ભારેઃ અંબાલાલ પટેલની આગાહી
આ પણ વાંચો:હવામાન નિષ્ણાત અંબાલાલ પટેલે કરી વરસાદની આગાહી
આ પણ વાંચો:રાજ્યમાં આ વર્ષે વધુ ઠંડી પડવાની શક્યતા : હવામાન નિષ્ણાંત અંબાલાલ પટેલની આગાહી
