Ahmedabad News:અમદાવાદ શહેરમાં આગની ઘટનાઓનું સિલસિલું યથાવત્ છે. આજે સિંગરવા વિસ્તારમાં આવેલી સાગર કેમિકલ્સ કંપનીમાં અચાનક ભીષણ આગ લાગી જતાં આસપાસના વિસ્તારમાં ભયનો માહોલ સર્જાયો હતો. આગે ઝડપથી વિકરાળ સ્વરૂપ ધારણ કરી લીધું હતું, જેના કારણે દૂર-દૂર સુધી કાળા ધુમાડાના ગોટેગોટા ઉડતા જોવા મળ્યા હતા.ઘટનાની જાણ થતાં જ અમદાવાદ ફાયર અને ઇમર્જન્સી સર્વિસની (Emergency Service) ટીમો તાત્કાલિક ઘટનાસ્થળે પહોંચી હતી.
સિંગરવા સાગર કેમિકલ્સ કંપનીમાં લાગી આગ
ફાયર બ્રિગેડની (Fire brigade) અનેક ગાડીઓએ મળીને આગ બુઝાવવાની કામગીરી હાથ ધરી હતી. કેમિકલ કંપની હોવાથી આગ વધુ ખતરનાક બની શકે તેમ હતી, પરંતુ ફાયર ફાઇટર્સની મહેનતથી આગ પર કાબૂ મેળવી લેવામાં આવ્યો હતો.પ્રાથમિક માહિતી અનુસાર, આ ઘટનામાં કોઈ જાનહાનિ કે ઇજાના સમાચાર નથી. જોકે, કંપનીમાં રહેલા કેમિકલ્સ અને અન્ય સામગ્રીને નુકસાન પહોંચ્યું હોવાનું અનુમાન છે.
આગ લાગવાનું ચોક્કસ કારણ હજુ સુધી જાણવા મળ્યું નથી, પરંતુ શોર્ટ સર્કિટ કે કેમિકલ રિએક્શનની આશંકા વ્યક્ત કરવામાં આવી રહી છે. ઘટનાની તપાસ ચાલુ છે અને ફોરેન્સિક ટીમ પણ સ્થળ પર પહોંચી ગઈ છે.અમદાવાદમાં છેલ્લા કેટલાક મહિનાઓમાં આવી આગની ઘટનાઓ વધી છે, જેમાં વટવા GIDC, ચાંદખેડા અને અન્ય વિસ્તારોમાં પણ સમાન બનાવો બન્યા છે.
આ પણ વાંચો:મોડાસાથી અમદાવાદમાં સારવાર અર્થે લાવતી એમ્બ્યુલન્સમાં લાગી આગ, નવજાત શિશુ સહિત ચાર લોકોના મોત
આ પણ વાંચો:મુંબઈથી અમદાવાદ જતા ટ્રકમાં આગ : ડ્રાઈવર સળગતો ટ્રક 5 કિમી ચલાવી ટોલબૂથ પહોંચ્યો
આ પણ વાંચો:અમદાવાદમાં બે દુકાનોમાં લાગી આગ, સર્જાયો અફરાતફરીનો માહોલ
