ગાઝિયાબાદના રાજનગર એક્સટેન્શનની KW સૃષ્ટિ સોસાયટીમાં 10 વર્ષનો છોકરો 50 મિનિટ સુધી લિફ્ટમાં ફસાઈ ગયો હતો. સોસાયટીના જી ટાવરમાં મિત્રને મળવા જતો ઈવાન ભારદ્વાજ 12મા માળે પહોંચતા જ લિફ્ટ બંધ થઈ ગયો હતો. 50 મિનિટ સુધી બાળક લિફ્ટમાંથી બહાર નીકળવાનો પ્રયાસ કરતો રહ્યો.
આ પણ વાંચો :અમિત શાહ સહિત આ નેતાઓએ દેશવાસીઓને પાઠવી ધનતેરસની શુભેચ્છા….
લાંબા સમય સુધી લિફ્ટમાં અટવાયા બાદ બાળકનો શ્વાસ રૂંધાયો હતો. બાળકે લિફ્ટમાં તમામ કપડાં ઉતારીને ફેંકી દીધા. લગભગ 45 મિનિટ પછી જ્યારે કોઈ વ્યક્તિ લિફ્ટ પાસેથી પસાર થઈ અને ઘણી મહેનત પછી બાળકનો અવાજ સંભળાયો તો તેને બહાર કાઢી શકાયો. આ મામલે પરિવારજનોએ નંદગ્રામ પોલીસ સ્ટેશનમાં સોસાયટીના બિલ્ડર અને મેન્ટેનન્સ વિભાગ વિરુદ્ધ કેસ દાખલ કર્યો છે.
આ મામલે બાળકે જણાવ્યું કે જ્યારે તે લિફ્ટમાં ફસાઈ ગયો ત્યારે તેણે ઘણી વખત ઈન્ટરકોમ અને એલાર્મ દ્વારા સંપર્ક કરવાનો પ્રયાસ કર્યો, પરંતુ બંને ખરાબ હતા. બેદરકારીની હદ એટલી છે કે એકપણ સિક્યુરિટી ગાર્ડે સીસીટીવી કેમેરા તરફ નજર પણ કરી નથી. નહિંતર થોડા સમય પછી બાળકને બહાર કાઢી શકાયું હોત.
આ પણ વાંચો :મુંબઇમાં Jio World Driveની છત પર ખુલશે પ્રથમ ડ્રાઇવ-ઇન થિયેટર, 290 કાર પાર્કની સુવિધા
પિતા ગૌરવ શર્માએ જણાવ્યું કે 50 મિનિટ સુધી લિફ્ટમાં ફસાયેલા બાળકે બહાર નીકળવાના તમામ પ્રયાસ કર્યા. આ પ્રયાસો વચ્ચે તેના હાથમાં ઘણી જગ્યાએ ઈજા થઈ હતી. ઘટનાથી ડરીને બાળકે લિફ્ટનો ઉપયોગ કરવાનું બંધ કરી દીધું છે. બાળકને કાઉન્સેલિંગ કરીને સમજાવવાના પ્રયાસો કરવામાં આવી રહ્યા છે.
આ પણ વાંચો :દિવાળી પહેલાજ દિલ્હીની હવા “ખરાબ”, જાણો – તમે તમારા શહેરમાં હવાની ગુણવત્તા કેવી રીતે ચકાસી શકો છો?
આ પણ વાંચો : સચિન પાયલોટે કહ્યું યુપીમાં ભાજપની થશે હાર,કાેંગ્રેસ બનશે વિકલ્પ
