ચીન સાથે લદ્દાખ સરહદ પર મડાગાંઠને ખતમ કરવા માટે બંને દેશો વચ્ચે 19મો રાઉન્ડ યોજાવા જઈ રહ્યો છે. આ પહેલા થયેલી તમામ મંત્રણાઓ નિષ્ફળ સાબિત થઈ છે. જૂન 2020માં ગલવાન ખીણની હિંસા અને ત્યારબાદ નવેમ્બર 2022માં તવાંગ ખાતે ચીની સૈનિકો સાથેની અથડામણ બાદ ભારત અને ચીન વચ્ચેના સંબંધો ખુબ જ ખરાબ છે. ભારત ચીનને સરહદના વિવાદિત વિસ્તારોમાંથી પોતાની સેના હટાવવાનું કહી રહ્યું છે, પરંતુ ચીન હજુ સુધી તેના માટે રાજી નથી થયું. આ જ કારણ છે કે ભારત અને ચીન વચ્ચે વાસ્તવિક નિયંત્રણ રેખા પર મડાગાંઠ અને તણાવ છે.હવે 14 ઓગસ્ટે ભારત અને ચીન વચ્ચે કોર્પ્સ કમાન્ડર વાટાઘાટોનો 19મો રાઉન્ડ યોજાવા જઈ રહ્યો છે.
કોર્પ્સ કમાન્ડર સ્તરની વાતચીતમાં બંને સેનાના કમાન્ડર સ્તરના અધિકારીઓ ભાગ લેશે. આ દરમિયાન બંને દેશો વચ્ચે સરહદ પર તણાવ ઓછો કરવા માટે વાતચીત કરવામાં આવશે. અત્યાર સુધી દ્વેષી ચીન દરેક વખતે મંત્રણાને નિષ્ફળ સાબિત કરી રહ્યું છે. ભારત વિવાદિત વિસ્તારોમાંથી પોતાની સેના પાછી ખેંચવા ચીન તૈયાર નથી. ચીન વાસ્તવિક નિયંત્રણ રેખા (LAC) પર ગુંડાગીરી બતાવી રહ્યું છે. ચીની સૈનિકો હજુ પણ ભારતીય સરહદે વિવાદિત વિસ્તારોમાં પડાવ નાખીને નજીકમાં ગેરકાયદે બાંધકામો કરી રહ્યા છે. ચીનની ગેરકાયદેસર ગતિવિધિઓ અંગે ભારતે ઘણી વખત ફરિયાદ કરી છે. પરંતુ ચીન સુધારવા કે સ્વીકારવા તૈયાર નથી.
भारत-चीन के बीच 14 अगस्त को 19वें दौर की कोर कमांडर वार्ता होगी। pic.twitter.com/fSCwYsGuOx
— ANI_HindiNews (@AHindinews) August 13, 2023
ચીન સાથે ભારતનું વલણ કડક છે
ભારત અને ચીન વચ્ચે અત્યાર સુધી 18 રાઉન્ડની વાતચીત નિષ્ફળ સાબિત થઈ છે. આવી સ્થિતિમાં તમામની નજર 19માં રાઉન્ડની વાતચીત પર છે. અત્યાર સુધી ચીન ભારત પર દબાણ બનાવવાની કોશિશ કરતું હતું, પરંતુ ભારત હવે ચીનને જડબાતોડ જવાબ આપવા તૈયાર છે. સ્વાભાવિક છે કે જો લદ્દાખથી અરુણાચલ પ્રદેશ સુધીના સરહદી વિસ્તારમાં કોઈ સમજૂતી થશે તો તે ચીનની નહીં પણ ભારતની શરતો પર હશે. એટલા માટે ભારત પણ ચીનને પાઠ ભણાવવાના મૂડમાં છે. બીજી તરફ ભારતના મજબૂત ઈરાદાઓને જોઈને ચીન એલએસી પર આડેધડ ગતિવિધિઓ કરીને ભારતીય સૈનિકોને ભડકાવવાનું કામ કરી રહ્યું છે. જો ચીન ભવિષ્યમાં ભારતીય સરહદ પર ઉશ્કેરણીજનક કાર્યવાહી કરવાનું ચાલુ રાખશે તો સેના તેને કડક પાઠ ભણાવવા તૈયાર છે.
આ પણ વાંચો: ભૂકંપના આંચકાથી ધ્રૂજી ઊઠ્યું છત્તીસગઢ, રિક્ટર સ્કેલ પર આ હતી તીવ્રતા
આ પણ વાંચો: PM મોદીએ પોતાના સોશિયલ મીડિયા એકાઉન્ટની બદલી DP, લોકોને પણ કરી અપીલ
આ પણ વાંચો:સ્વતંત્રતા દિવસ પહેલા છાવણીમાં ફેરવાઈ કાશ્મીર ખીણ, ગ્રાઉન્ડ ઝીરો પર BSFએ કરી આ વ્યવસ્થા
આ પણ વાંચો:3 સગીર વિદ્યાર્થિનીઓ કોચિંગમાંથી ગુમ, 150 કિમી દૂર સિનેમા હોલમાં ફિલ્મ જોતી મળી
