ભારતીય મૂળના બ્રિટિશ નાગરિક વિરાજ મુંગલેએ તેની માતાને મળવા માટે લંડનથી થાણે સુધીની તેની ‘SUV’ કારમાં અસાધારણ યાત્રા પૂર્ણ કરી હતી. વિરાજે જણાવ્યું કે આ યાત્રા પૂર્ણ કરવા માટે તેણે 59 દિવસમાં 16 દેશોનો પ્રવાસ કર્યો. તેની આ સફર સોશિયલ મીડિયા પર ઘણી હેડલાઈન્સ મેળવી રહી છે. વિરાજના કહેવા પ્રમાણે, તેણે 18,300 કિલોમીટરનું અંતર કાપ્યું. તેણે જણાવ્યું કે તે બ્રિટન, ફ્રાન્સ, જર્મની, બેલ્જિયમ, પોલેન્ડ, લિથુઆનિયા, લાતવિયા, એસ્ટોનિયા, રશિયા, ઉઝબેકિસ્તાન, કિર્ગિસ્તાન, ચીન, તિબેટ, નેપાળ અને પછી ભારત પહોંચ્યો. આ પ્રવાસમાં તેનો નેપાળી મિત્ર રોશન શ્રેષ્ઠ પણ તેની સાથે હતો, જે નેપાળના કાઠમંડુ ગયો હતો.
17 જૂને થાણે પહોંચેલા વિરાજે સપ્તાહના અંતે પત્રકારોને જણાવ્યું હતું કે, “હું દરરોજ લગભગ 400-600 કિલોમીટર ડ્રાઇવ કરતો હતો. કેટલીકવાર 1,000 કિમી સુધી પણ કાર ચલાવી હતી, પરંતુ રાત્રે વાહન ચલાવવાનું ટાળીને હંમેશા સલામતીને પ્રાથમિકતા આપી હતી.વિરાજે જણાવ્યું કે તેણે નોકરીમાંથી બે મહિનાની રજા લીધી અને દરેક દેશમાંથી જરૂરી પરવાનગીઓ અને કાનૂની મંજૂરી લીધી. આત્યંતિક હવામાન પરિસ્થિતિઓ, જેમાં બરફ અને ઠંડીનો સમાવેશ થાય છે, તેમની મુસાફરીમાં પડકારોનો સામનો કરવો પડ્યો હતો. વિરાજે જણાવ્યું કે તે પ્લેન દ્વારા બ્રિટન પરત ફરશે અને શિપ દ્વારા પોતાની કાર પરત મોકલશે.
આ પણ વાંચો:ગુજરાતમાં મેઘરાજા મન મૂકી વરસ્યા, ખેડૂતોમાં ખુશીની લહેર
આ પણ વાંચો: અમદાવાદમાં આવ્યો વાતાવરણમાં પલટો, રાજ્યમાં વરસાદની લહેર
આ પણ વાંચો: રાજકોટ, દેવભૂમિ દ્વારકા, ખંભાળિયામાં ભારે વરસાદ
