Jammu & Kashmir News: અબ્દુલ રહીમ રાથર (Abdul Rahim Rather) સાતમી વખત ધારાસભ્ય બન્યા છે અને કેન્દ્રશાસિત પ્રદેશની પ્રથમ વિધાનસભામાં સૌથી વૃદ્ધ ધારાસભ્ય છે. જમ્મુ-કાશ્મીર વિધાનસભાનું પ્રથમ સત્ર આજથી શરૂ થશે. આ પહેલા રવિવારે મુખ્યમંત્રી ઓમર અબ્દુલ્લાએ વિધાયક દળની બેઠક બોલાવી હતી. જેમાં સ્પીકર માટે નેશનલ કોન્ફરન્સના વરિષ્ઠ ધારાસભ્ય અબ્દુલ રહીમ રાથરનું નામ નક્કી કરવામાં આવ્યું હતું.
રાથર સાતમી વખત ધારાસભ્ય બન્યા છે અને કેન્દ્રશાસિત પ્રદેશની પ્રથમ વિધાનસભામાં સૌથી વૃદ્ધ ધારાસભ્ય છે. કોંગ્રેસ, સીપીઆઈ (એમ), આમ આદમી પાર્ટી અને અપક્ષ ધારાસભ્યોએ બેઠકમાં હાજરી આપી હતી. ઓમર અબ્દુલ્લા બીજી વખત જમ્મુ-કાશ્મીરના સીએમ બન્યા છે. તેમના પિતા ફારૂક અબ્દુલ્લા અને દાદા શેખ અબ્દુલ્લા પણ જમ્મુ-કાશ્મીરના સીએમ રહી ચુક્યા છે. સોમવારે સવારે 10:30 વાગ્યા પહેલા સ્પીકરની ચૂંટણી થશે. આ પછી લેફ્ટનન્ટ ગવર્નરનું સંબોધન થશે.
ભાજપને મળી શકે છે ડેપ્યુટી સ્પીકરનું પદ અબ્દુલ્લા સરકાર ભાજપને આપી શકે છે. જોકે, હજુ સુધી સરકાર દ્વારા ભાજપને આ સંબંધિત કોઈ માહિતી આપવામાં આવી નથી. આજે મળનારી બેઠકમાં આ અંગે નિર્ણય પણ લેવામાં આવી શકે છે. રવિવારે ભાજપના ધારાસભ્યોની બેઠકમાં સુનીલ શર્માને વિધાયક દળના નેતા તરીકે પસંદ કરવામાં આવ્યા હતા. તેઓ વિધાનસભામાં વિરોધ પક્ષના નેતા હશે. જ્યારે સત શર્માને પ્રદેશ ભાજપ અધ્યક્ષ બનાવવામાં આવ્યા છે.
ઓમર અબ્દુલ્લાએ સીએમ પદના શપથ લીધા બાદ આતંકવાદી હુમલાને લઈને સત્રમાં હોબાળો થવાની સંભાવના છે. લશ્કરના કમાન્ડર સહિત છ આતંકવાદીઓ માર્યા ગયા છે. 3 જવાનો પણ શહીદ થયા હતા. આ ઉપરાંત 8 બિન-કાશ્મીરી મજૂરોના પણ મોત થયા છે. રાજ્યમાં નવી સરકાર બન્યા બાદ આતંકવાદીઓએ બિન-કાશ્મીરીઓને નિશાન બનાવીને અનેક હુમલા કર્યા છે.
ઓમર અબ્દુલ્લાના પિતા ફારૂક અબ્દુલ્લાએ આતંકવાદીઓ પર આપેલા નિવેદનને લઈને પણ સત્રમાં હંગામો થવાની સંભાવના છે. વાસ્તવમાં ફારુકે કહ્યું હતું કે સુરક્ષા દળોએ આતંકવાદીઓને મારવા જોઈએ નહીં, પરંતુ તેમની ધરપકડ કરવી જોઈએ. આ અંગે ભાજપે ફારૂક પર નિશાન સાધ્યું હતું.
આ પણ વાંચોઃજમ્મુ-કાશ્મીરના રિયાસીમાં મોટો અકસ્માત, ત્રણ લોકોના મોત, 4 ઘાયલ
આ પણ વાંચોઃજમ્મુ-કાશ્મીરમાં આતંકવાદને નાથવો નવી સરકાર માટે મોટો પડકાર
આ પણ વાંચોઃછ વર્ષ પછી જમ્મુ-કાશ્મીરમાંથી રાષ્ટ્રપતિ શાસન હટાવી લેવાયું
