ઇરાકમાં યુએસ સૈન્ય મથકો પર ઈરાનનાં હુમલો અંગે અમેરિકન રાષ્ટ્રપતિ ડોનાલ્ડ ટ્રમ્પનું નિવેદન આવી ગયું છે. તે કહે છે કે All is Well. ઇરાને ઇરાકનાં બે સૈન્ય મથકો પર મિસાઇલો દાગી છે. નુકસાનનું મૂલ્યાંકન કરવામાં આવી રહ્યું છે. પરંતુ હજી સુધી બધું બરાબર છે. ટ્રમ્પે કહ્યું કે અમારી પાસે વિશ્વની સૌથી શક્તિશાળી સૈન્ય છે.
યુએસ સંરક્ષણ મંત્રાલય પેન્ટાગોને અહેવાલ આપ્યો છે કે, ઇરાકમાં ઓછામાં ઓછા બે યુ.એસ. સૈન્ય મથકો પર ડઝનથી વધુ મિસાઇલ હુમલો થયો છે. વળી, ઇરાનની સરકારી મીડિયા કહે છે કે, આ હુમલાઓ જનરલ કાસિમ સુલેમાનીની હત્યાનો બદલો લેવા માટે કરવામાં આવ્યા હતા. જે અમેરિકન રાષ્ટ્રપતિ ડોનાલ્ડ ટ્રમ્પનાં આદેશથી બગદાદમાં ડ્રોન હુમલામાં માર્યા ગયા હતા.
US President: All is well!Missiles launched frm Iran at 2 military bases located in Iraq.Assessment of casualties&damages taking place now. So far,so good!We have most powerful& well equipped military anywhere in world,by far!I will be making statement tomorrow morning (file pic) pic.twitter.com/zyAd16fqmm
— ANI (@ANI) January 8, 2020
આ હુમલા વિશે માહિતી આપતા પેન્ટાગોને જણાવ્યું હતું કે, ઇરાકનાં ઇરબિલ અને અલ-અસદ શહેરોમાં બે હુમલા થયા હતા જ્યાં તેમના સૈનિકો રહેતા હતા. જો કે, આ હુમલામાં કેટલું નુકસાન થયું છે તે અંગે હજી કંઇ સ્પષ્ટ થયું નથી. વ્હાઇટ હાઉસની પ્રવક્તા સ્ટેફની ગ્રિશમે એક નિવેદનમાં જણાવ્યું છે કે તેમણે રાષ્ટ્રપતિને માહિતી આપતા ઇરાકમાં યુ.એસ. સૈન્ય મથકો ઉપર હુમલો થવાની જાણકારી મળી છે. તેમણે કહ્યું કે તેઓ પરિસ્થિતિ પર નજર રાખી રહ્યા છે અને રાષ્ટ્રીય સુરક્ષા ટીમ સાથે વાતચીત થઈ રહી છે.
વળી, ઇરાનનાં રિવોલ્યૂસન ગાર્ડે કહ્યું છે કે આ હુમલો જનરલ સુલેમાનીનાં મોતનો જવાબ આપવા માટે કરવામાં આવ્યો છે. તેમણે કહ્યું કે, આ ચેતવણી અમેરિકાનાં બધા સાથીઓ માટે છે, જેઓ તેમની આતંકી સેનાને તેમની જમીનનો ઉપયોગ કરવાની મંજૂરી આપે છે. હવે જો ઈરાન વિરુદ્ધ કોઈ કાર્યવાહી થશે તો તેને નિશાન બનાવવામાં આવશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
