વડાપ્રધાન નરેન્દ્ર મોદીએ રવિવારે સાંબામાં પલ્લી પંચાયતની મુલાકાત લેશે તેના એક દિવસ પહેલા શનિવારે જમ્મુ અને કાશ્મીરમાં સુરક્ષા કડક કરવામાં આવી હતી. નોંધનીય છે કે અહીં શુક્રવારે જૈશ-એ-મોહમ્મદના બે આત્મઘાતી હુમલાખોરો અને સુરક્ષા દળો વચ્ચે ભીષણ અથડામણ થઈ હતી. જમ્મુની બહાર સુંજવાન મિલિટરી કેમ્પ પાસે એન્કાઉન્ટર બાદ કેન્દ્રશાસિત પ્રદેશમાં રેડ એલર્ટ જાહેર કરવામાં આવ્યું છે. એન્કાઉન્ટર દરમિયાન મોટી માત્રામાં હથિયારો અને દારૂગોળો સાથે સજ્જ બંને આતંકવાદીઓ માર્યા ગયા હતા. જેના કારણે મોટો હુમલો ટળી ગયો હતો.
આ એન્કાઉન્ટરમાં એક CISF અધિકારી પણ શહીદ થયા હતા અને બે પોલીસકર્મીઓ સહિત નવ અન્ય ઘાયલ થયા હતા. શુક્રવારે વહેલી સવારે અર્ધલશ્કરી દળોના જવાનોને લઈ જતી બસ પર હુમલા બાદ સુરક્ષા દળોએ આતંકવાદીઓને ઘેરી લીધા હતા, જેના કારણે અથડામણ થઈ હતી. ડીજીપી દિલબાગ સિંહે એન્કાઉન્ટર સ્થળની મુલાકાત લીધા બાદ કહ્યું હતું કે, બંને આતંકવાદીઓ પાકિસ્તાન સ્થિત જૈશ-એ-મોહમ્મદની આત્મઘાતી ટુકડીનો ભાગ હતા અને તેમની ઘૂસણખોરીથી રવિવારે પંચાયતી રાજ દિવસ પર વડાપ્રધાન મોદીની જમ્મુ અને કાશ્મીરની મુલાકાતમાં વિક્ષેપ પડવાની સંભાવના છે. કોઈ “મોટું કાવતરું” હોઈ શકે છે.
અધિકારીઓએ જણાવ્યું કે, જમ્મુ શહેરથી 17 કિમી દૂર સ્થિત પલ્લી પંચાયતને સીલ કરી દેવામાં આવી છે અને સ્થાનિક પોલીસ અને અર્ધલશ્કરી દળના જવાનો, જેમાં BSF અને CRPFનો સમાવેશ થાય છે, ચુસ્ત બંદોબસ્ત માટે તૈનાત કરવામાં આવ્યા છે. તેમણે કહ્યું કે જમ્મુ-પઠાણકોટ હાઈવેથી માત્ર ત્રણ કિલોમીટરના અંતરે સ્થિત આ સ્થળને વડાપ્રધાનની રેલી માટે સુરક્ષા વ્યવસ્થાના ભાગરૂપે સામાન્ય લોકો માટે પ્રતિબંધિત કરવામાં આવી છે. કલમ 370 હેઠળ જમ્મુ અને કાશ્મીરને આપવામાં આવેલ વિશેષ દરજ્જો સમાપ્ત કરવા અને અગાઉના રાજ્યને બે કેન્દ્રશાસિત પ્રદેશોમાં વિભાજિત કરવાના કેન્દ્ર સરકારના પગલા પછી ઓગસ્ટ 2019 માં મોદીની જમ્મુ અને કાશ્મીરની મુલાકાત એ કેન્દ્રશાસિત પ્રદેશની પ્રથમ મુલાકાત છે.
અધિકારીઓએ જણાવ્યું હતું કે જાહેર સભા સ્થળે 30,000 થી વધુ પંચાયત સભ્યો સહિત એક લાખથી વધુ લોકોને સમાવવાની વ્યવસ્થા કરવામાં આવી છે. ડીજીપીએ એન્કાઉન્ટર બાદ કહ્યું હતું કે, આ એન્કાઉન્ટર વડાપ્રધાનની મુલાકાતના બે દિવસ પહેલા થયું હતું. આ જમ્મુના શાંતિપૂર્ણ વાતાવરણને ખલેલ પહોંચાડવાના એક મોટા ષડયંત્રનો ભાગ છે અને પ્રવાસમાં વિક્ષેપ પાડવાનું મોટું ષડયંત્ર હોઈ શકે છે.શનિવારના રોજ, સંયુક્ત સુરક્ષા ટીમો બારી બ્રાહ્મણથી પલ્લી ચોક સુધીના હાઈવે પર સમગ્ર પંથકમાં પેટ્રોલિંગ કરતી જોવા મળી હતી. વડાપ્રધાનના સ્વાગત માટે મોટા હોર્ડિંગ્સથી શણગારવામાં આવ્યા હતા.