Ahmedabad News: ભારે વરસાદ અને પૂરની સ્થિતિ બાદ હવે ધીમે ધીમે જનજીવન પૂર્વવત થઈ રહ્યું છે. પાણી ઓસરતાં અમદાવાદ-રાજકોટ હાઈવે ફરી વાહનવ્યવહાર માટે ખુલ્લો (Ahmedabad Rajkot Highway Reopened) મુકવામાં આવ્યો છે, જેના કારણે છેલ્લા કેટલાક દિવસોથી અટવાયેલા વાહનચાલકોને મોટી રાહત મળી છે. બીજી તરફ, બાવળા તાલુકાના સાકોદરા ગામે વરસાદી પાણીના તેજ પ્રવાહ વચ્ચે ટ્રેક્ટર પલટી જવાની ઘટના બની હતી, જોકે સમયસર તમામ લોકો બહાર નીકળી જતાં મોટી જાનહાનિ ટળી હતી.
Ahmedabad Rajkot Highway Reopened: અમદાવાદ-રાજકોટ હાઈવે પર ફરી દોડ્યાં વાહનો
ભારે વરસાદના કારણે હાઈવે પર પાણી ભરાઈ (Gujarat Flood) જતા વાહનવ્યવહાર અટકાવવામાં આવ્યો હતો. હવે પાણી ઓસરતાં હાઈવે ફરીથી જનતા માટે ખુલ્લો મુકાયો છે. વાહનચાલકોએ ફરી અવરજવર શરૂ કરી છે, જેના કારણે અમદાવાદ, રાજકોટ અને સૌરાષ્ટ્ર તરફ જતાં મુસાફરોને રાહત મળી છે. જોકે, તંત્રે વાહનચાલકોને સાવચેતીપૂર્વક વાહન ચલાવવાની અપીલ કરી છે.
સાકોદરા ગામે ટ્રેક્ટર પલટી, મોટી દુર્ઘટના ટળી
બાવળાના સાકોદરા ગામમાં વરસાદી પાણીના તેજ પ્રવાહ વચ્ચે એક ટ્રેક્ટરનું (Bavla Tractor Accident) સંતુલન બગડતાં તે પલટી ખાઈ ગયું હતું. ટ્રેક્ટરમાં આશરે 10 લોકો સવાર હતા. સદનસીબે તમામ લોકોએ સમયસર ટ્રેક્ટરમાંથી બહાર નીકળી જતાં મોટી જાનહાનિ ટળી હતી. ઘટનામાં કોઈના મોત કે ગંભીર ઈજાના અહેવાલ નથી.
આ પણ વાંચો: ગુજરાતમાં ભારે વરસાદ: ઉત્તર ગુજરાતથી દક્ષિણ ગુજરાત સુધી વ્યાપક નુકસાન, અનેક જિલ્લાઓમાં પૂર જેવી સ્થિતિ
આ પણ વાંચો: અમદાવાદમાં ભારે વરસાદનો કહેર! સાણંદનું મોડાસર ગામ પાણીમાં ગરકાવ, બાવળામાં વરસાદી કહેર યથાવત
