Ahmedabad News: અમદાવાદ શહેરમાં ચોમાસાની મોસમ દરમિયાન માર્ગ સલામતી વધારવા અને ટ્રાફિક (Ahmedabad Traffic) વ્યવસ્થાને વધુ સુચારૂ બનાવવા માટે અમદાવાદ મ્યુનિસિપલ કોર્પોરેશન (AMC) દ્વારા મહત્વપૂર્ણ નિર્ણય લેવામાં આવ્યો છે. વરસાદી મોસમમાં માર્ગ મરામત, ઇન્ફ્રાસ્ટ્રક્ચર પ્રોજેક્ટ્સ અને વિવિધ કામગીરીને કારણે સર્જાતી ટ્રાફિક (Ahmedabad Traffic) સમસ્યાઓ અને અકસ્માતોની સંભાવના ઘટાડવા માટે શહેરના જોખમી સ્થળો તથા ડાયવર્ઝન પોઈન્ટ્સ પર ટ્રાફિક માર્શલ તહેનાત કરવામાં આવશે.
Ahmedabad Traffic : ચોમાસામાં AMCની નવી પહેલ
AMC દ્વારા આ નવી વ્યવસ્થાની પ્રાયોગિક શરૂઆત શહેરના સૌથી વ્યસ્ત વિસ્તારોમાં ગણાતા પંચવટી અને પાંજરાપોળ વિસ્તારમાંથી કરવામાં આવી છે. હાલમાં આ વિસ્તારોમાં ચાલી રહેલી માર્ગ મરામત અને વિકાસ કામગીરીને ધ્યાનમાં રાખીને કુલ ચાર ટ્રાફિક માર્શલ્સને ફરજ પર મુકવામાં આવ્યા છે.
આ ટ્રાફિક માર્શલ્સનું મુખ્ય કાર્ય વાહનચાલકોને અગાઉથી ડાયવર્ઝન અને માર્ગ પરિવર્તન અંગે માહિતી આપવાનું રહેશે. જેના કારણે ખાસ કરીને પીક અવર્સ દરમિયાન અચાનક ઉભી થતી ટ્રાફિક સમસ્યાઓ, ગૂંચવણ અને અકસ્માતોની સંભાવના ઘટાડવામાં મદદ મળશે.
AMCના અધિકારીઓના જણાવ્યા અનુસાર આગામી દિવસોમાં શહેરના અન્ય વિસ્તારોમાં પણ જરૂરિયાત મુજબ ટ્રાફિક માર્શલ્સની નિમણૂક કરવામાં આવશે. ખાસ કરીને જ્યાં માર્ગ મરામત, ખોદકામ અથવા અન્ય પ્રોજેક્ટના કારણે વાહનચાલકો માટે જોખમ સર્જાતું હોય તેવા વિસ્તારોને પ્રથમ પ્રાથમિકતા આપવામાં આવશે.
વરસાદી મોસમ દરમિયાન પાણી ભરાવા, રસ્તાની ખરાબ સ્થિતિ અને અચાનક અપાતા ડાયવર્ઝનના કારણે અનેક વખત વાહનચાલકો મુશ્કેલીમાં મુકાતા હોય છે. આવી સ્થિતિમાં ટ્રાફિક માર્શલ્સ વાહનચાલકોને સમયસર માર્ગદર્શન આપીને સલામત માર્ગ પસંદ કરવામાં મદદરૂપ બનશે.
AMCનું માનવું છે કે આ પહેલ માત્ર ટ્રાફિક (Ahmedabad Traffic) મેનેજમેન્ટ પૂરતી મર્યાદિત નથી, પરંતુ નાગરિકોની સુરક્ષા વધારવા અને માર્ગ અકસ્માતોમાં ઘટાડો લાવવાના હેતુથી અમલમાં મૂકવામાં આવી રહી છે. જો આ પ્રયોગ સફળ રહેશે તો શહેરના અન્ય વિસ્તારોમાં પણ તેનો વ્યાપ વધારવામાં આવશે.
આ પણ વાંચો:સામાન્ય વરસાદમાં AMCના દાવા ધોવાયા! ખાડા પૂરવાની ડેડલાઇન ફેલ, હવે તંત્રએ આપી નવી તારીખ
આ પણ વાંચો:AMCમાં કરોડોનું કૌભાંડ: કમલેશ પટેલે ભ્રષ્ટ અધિકારીઓ સામે કડક કાર્યવાહીનો આદેશ આપ્યો
આ પણ વાંચો:રથયાત્રા પહેલાં દરિયાપુરમાં MLA કૌશિક જૈનના જૂના કાર્યાલયને AMCની નોટિસ, જાણો કારણ
