Surat News: સુરત (Surat)માં કથીરિયા સમાજ દ્વારા સ્નેહમિલન કાર્યક્રમમાં અલ્પેશ કથીરિયાનું સન્માન કરવામાં આવ્યું હતું. જેમાં તેમણે ગોંડલની રણનીતિ અંગે ચર્ચા કરી હતી. ગણેશ ગોડલ દ્વારા કથીરિયાને પડકાર ફેંકવામાં આવ્યો હતો, જેમો અલ્પેશ કથીરિયાએ જાહેર મંચ પરથી જવાબ આપ્યો છે. તેમણે કહ્યું હતું કેસ માના દૂધને પડકાર ફેંકે અને કોઈ ગાળો આપે તે કોઈ ખાય ન જાય, ગોળી ખાઈ લે. ગોંડલમાં તો મજા આવે ત્યારે ફરવા નીકળી પડશું. મંચ પરથી કહ્યું કે હવે તો કોઈ કોલર પણ પકડી નહીં શકે.
આ ઉપરાંત અલ્પેશ કથીરિયા (Alpesh Kathiriya)એ કહ્યું કે, “ગોંડલમાં સત્તામાં બેઠેલા લોકો દ્વારા ચલાવવામાં આવતા ગેરકાયદેસર ધંધા અંગે અમે તમામ પુરાવા જનતાને આપીશું. જુગાર ક્યાં રમાય છે? કોના ફાર્મ હાઉસમાં બાયોડીઝલનો ધંધો ચાલી રહ્યો છે? ખોટા GST બિલ અને ખોટા ઇન્વોઇસ ક્યાં બનાવવામાં આવી રહ્યા છે? ગોંડલમાં આવા ઘણા ધંધા ચાલી રહ્યા છે અને અમે તે બધાના પુરાવા આપીશું.” જો કોઈને ખેતર ખેડવા દેવામાં આવે તો તેણે ખેતી કરવી જોઈએ અને પાક કાપવો જોઈએ, પરંતુ જો માલિકને લાગે કે તે કામ કરી રહ્યું નથી તો આ કામ ન કરવું જોઈએ.
અલ્પેશ કથીરિયા (Alpesh Kathiriya)એ વધુમાં કહ્યું કે હવે અમે ગોંડલ (Gondal) મજા આવે ત્યારે જઈશું. આપણે શનિવાર, રવિવાર અને રજાના દિવસે જઈશું. પહેલી વાર અમે ગયા ત્યારે, કોઈ પણ જાતના સંઘર્ષ વિના, ફક્ત ગોંડલની પરિસ્થિતિ જાણવા ગયા હતા. ગેંગ અને ભાડે રાખેલા ગુંડાઓનો ઉપયોગ કરીને અમારા વાહનોને નુકસાન પહોંચાડવાનો પ્રયાસ કરવામાં આવ્યો છે. પરંતુ હવે હું સ્પષ્ટપણે કહી શકું છું કે આગામી દિવસોમાં, જ્યારે અમે ગોંડલ જઈશું, ત્યારે અમારા કોઈપણ વાહનને નુકસાન થશે નહીં, પરંતુ અમે એવી તૈયારી સાથે જઈશું કે કોઈ અમારા કોઈપણ કાર્યકર્તાનો કોલર પણ પકડશે નહીં.
અમે ગોંડલ ગયા ત્યારે ત્યાં કડક પોલીસ સુરક્ષા હતી. સુરક્ષા માટે ઉચ્ચ કક્ષાના અધિકારીઓ સહિત લગભગ 225 પોલીસકર્મીઓને તૈનાત કરવામાં આવ્યા હતા. છતાં, બધાએ જોયું કે ત્યાં કેવા પ્રકારની ગુંડાગીરી થઈ હતી. અમારા વાહનોના કાચ તૂટેલા હતા, ગુંડાગીરી કરવામાં આવી હતી, જોકે આ બધું પોલીસની સામે થયું હતું, પરંતુ કેટલું ડરામણું છે કે કોઈએ તેમને રોક્યા નહીં. અમે પોલીસ સુરક્ષા હેઠળ હતા, જોકે તેઓ બધા મીડિયાકર્મીઓને પોતાની સાથે લઈ ગયા હતા, પરંતુ જો તેઓ આ કરી શકે છે, તો તેઓ સામાન્ય લોકોને હેરાન કરવા માટે કયા સ્તરે જશે?
આ પણ વાંચો:ગોંડલમાં કથીરિયાનાં વિરોધ બાદ બંને પક્ષે ફરિયાદ; ગૃહમંત્રીએ રાજીનામુ આપવું જોઈએ: કોંગ્રેસ
આ પણ વાંચો:ગોંડલમાં અલ્પેશ કથીરિયા પર હુમલાનો પ્રયાસ, પોલીસ એલર્ટ
આ પણ વાંચો:ગોંડલના ચકચારી રાજ વાડીમાં થયેલા હુમલા મામલે આરોપીઓનો નિર્દોષ છુટકારો
