બોલિવૂડના મેગાસ્ટાર અમિતાભ બચ્ચને દક્ષિણ દિલ્હીના ગુલમહોર પાર્કમાં પોતાની પ્રોપર્ટી વેચી દીધી છે. મળતી માહિતી મુજબ, આ પ્રોપર્ટી નેજોન ગ્રૂપ ઓફ કંપનીઓના CEO અવની બદરે ખરીદી છે.
આ પણ વાંચો :જ્યારે કેમેરાની સામે જ ઉડવા લાગ્યો શિલ્પા શેટ્ટીનો ડ્રેસ, પછી શું થયું જુઓ વીડિયોમાં…
આટલા કરોડમાં વેચાયો બંગલો
આ બંગલામાં અમિતાભ બચ્ચનની માતા તેજી બચ્ચન અને પિતા હરિવંશ રાય બચ્ચન રહેતા હતા, જેને હવે બિગ બીએ વેચી દીધો છે. મળતી માહિતી મુજબ, અમિતાભ બચ્ચને આ બંગલો 23 કરોડ રૂપિયામાં વેચ્યો છે. અમિતાભ બચ્ચનની આ પ્રોપર્ટી ખરીદનાર અવની બદર નજીકમાં રહે છે અને બચ્ચન પરિવારને 35 વર્ષથી કરતાં વધુ સમયથી ઓળખે છે.
દિલ્હીના આ બંગલા ‘સોપાન’નો ઉલ્લેખ અમિતાભ બચ્ચને પોતાના બ્લોગમાં ઘણી વખત કર્યો છે. આ બંગલો તેની માતા તેજી બચ્ચનના નામે નોંધાયેલો હતો. Zapkey ના ડેટાએ પુષ્ટિ કરી છે કે આ 418.05 ચોરસ મીટર મિલકતની રજિસ્ટ્રી 7 ડિસેમ્બરના રોજ પૂર્ણ થઈ હતી.
આ ઘર સાથે જોડાયેલા હતા બિગ બી
અમિતાભ બચ્ચન મુંબઈમાં રહે છે જ્યાં ચાહકો પણ તેમની એક ઝલક જોવા પહોંચે છે. દિલ્હીના આ ડબલ સ્ટોરી ઘરની વાત કરીએ તો, બિગ બીને ગુલમહોર પાર્કમાં સ્થિત આ ઘર ખૂબ જ પસંદ હતું. મળતી માહિતી મુજબ, આ બચ્ચન પરિવારનું પહેલું ઘર હતું. ત્યાં રહેતા લોકોનું કહેવું છે કે 1980 સુધી જ્યારે હરિવંશરાય બચ્ચન અહીં રહેતા હતા, ત્યારે તેઓ આ બંગલામાં કવિતા સત્ર યોજતા હતા.
જો હવે બિગ બીની આવનારી ફિલ્મોની વાત કરીએ તો તેમા બ્રહ્માસ્ત્ર, રનવે 34, ઝુંડ, અલવિદા, ધ ઇટર્ન છે, જે ટૂંક સમયમાં પ્રસારિત થવાની છે. આમ, બિગ બી હજી પણ ફિલ્મી દુનિયામાં ઘણા સક્રિય છે.
આ પણ વાંચો :આલિયા ભટ્ટની ‘ગંગુબાઈ કાઠિયાવાડી’નું ટ્રેલર 4 ફેબ્રુઆરીએ રિલીઝ થશે…..
આ પણ વાંચો :આલિયા ભટ્ટે વધુ એક તેલુગુ ફિલ્મ સાઇન કરી, જૂનિયર એનટીઆર સાથે કરશે કામ…
આ પણ વાંચો :અજિત કુમારની ‘વાલીમાઈ’ 24 ફેબ્રુઆરીએ સિનેમાઘરોમાં રિલીઝ થશે
આ પણ વાંચો : ‘ભાભીજી ઘર પર હૈ’ નાં તિવારીજી પુષ્પાનાં રંગે રંગાયા, કર્યો શ્રીવલ્લી ગીત પર ડાન્સ
