અમૃતસર ટ્રેન દુર્ઘટનામાં મૃત્યુ પામેલાં લોકો રાવણ દહન જોવા માટે ભેગા થયા હતા. આ રાવણ દહન કાર્યક્રમનાં ચીફ ગેસ્ટ નવજોત સિંહ સિદ્ધુનાં પત્ની નવજોત કૌર સિદ્ધુ હતા. આ દુર્ઘટનામાં 61 લોકો મૃત્યુ પામ્યા છે ઘણાં લોકો ઘાયલ થયા છે.
It was a sad and an unfortunate incident. It is necessary to understand that it was an accident. There has been negligence but it was never intentional or motivated: Punjab Minister Navjot Singh Sidhu at Civil Hospital on #AmritsarTrainAccident pic.twitter.com/qIvQkWF1m5
— ANI (@ANI) October 20, 2018
ઘાયલ થયેલાં લોકોને જોવા માટે પંજાબ મીનીસ્ટર નવજોત સિંહ સિદ્ધુ હોસ્પિટલ ગયાં હતા. એમણે જણાવ્યું કે, ‘આ બેદરકારીનું પરિણામ છે. જાણીજોઈને થયું નથી એ સ્વાભાવિક છે. આ એક એક્સીડેન્ટ છે એ સમજવું જોઈએ.’
ઘટના સ્થળ પર નવજોત કૌર સિદ્ધુ જે ચીફ ગેસ્ટ તરીકે હાજર હતા એમણે કહ્યું હતું કે ,આ દુર્ઘટના ઘટી એ પહેલાં જ એમને એક કોલ આવ્યો હતો અને તેઓ ત્યાંથી રવાના થઇ ગયાં હતા. સ્થળ છોડ્યાની 15 મિનીટ બાદ જ એમને આ દુર્ઘટનાનાં સમાચાર મળ્યાં હતા.
એમણે જણાવ્યું કે, ‘અમે છ જગ્યાએ રાવણનાં પુતળાનું દહન કર્યું હતું. એમાંના મોટા ભાગના રેલ્વે ટ્રેક પાસે હતા. એમણે (રેલ્વે ઓથોરીટી) ઓછામાં ઓછુ ટ્રેનની સ્પીડ ધીમી રાખવાની સુચના આપવી જોઈતી હતી.’
બંને પતિ પત્નીએ આ દુર્ઘટનાને રાજકારણ સાથે ન જોડવા માટે કહ્યું છે અને જે લોકો આવું કરે છે એમણે શરમ રાખવી જોઈએ એવું પણ નવજોત કૌર સિદ્ધુએ કહ્યું હતું.
