Viral Video: સોશિયલ મીડિયા (Social Media) પર એક વીડિયો વાયરલ થઈ રહ્યો છે. આ વીડિયોમાં એક વ્યક્તિ બાળકનો જીવ બચાવતો જોવા મળી રહ્યો છે. વીડિયો તે સમયનો છે જ્યારે બાળકની માતા મદદ માટે પડોશીના દરવાજે પહોંચી હતી. આ પછી, વ્યક્તિએ માત્ર થોડી સેકંડમાં બાળકને સાજો કરી દીધો. હવે આ વ્યક્તિનો વીડિયો જોયા બાદ લોકો તેને રિયલ હીરો કહી રહ્યા છે.
મામલો અમેરિકાના ઈલિનોઈસ રાજ્યનો છે. એક નાનું બાળક કોર્નેલિયા ડી લેંગ સિન્ડ્રોમ નામની દુર્લભ બીમારીથી પીડિત છે, જેના કારણે તેને ખોરાક લેવામાં તકલીફ થાય છે. ઘણીવાર તે ફીડિંગ ટ્યુબની મદદથી પોતાનો ખોરાક ખાય છે. એક દિવસ તેના ગળામાં ચિકનનું હાડકું ફસાઈ ગયું, જેના કારણે તે શ્વાસ પણ લઈ શકતો ન હતો.
આવી સ્થિતિમાં, મહિલા ચિંતિત થઈ ગઈ, હોસ્પિટલ જવાનો સમય નહોતો કારણ કે જો આ સ્થિતિ લાંબા સમય સુધી ચાલુ રહે તો બાળકનું મૃત્યુ થઈ શકે છે. તે મદદ માટે પાડોશીના ઘરે પહોંચી. પાડોશી માણસે બાળકને હળવેથી ઊંધું પકડીને પીઠ પર મારવાનું શરૂ કર્યું. થોડીવારમાં ચિકનનો ટુકડો બહાર આવ્યો.
આ પછી બાળકની માતાને હોશ આવી ગયો અને તેણે રાહતનો શ્વાસ લીધો. આ બધું ઘરની બહાર લાગેલા કેમેરામાં રેકોર્ડ થઈ રહ્યું હતું. આ વીડિયો સોશિયલ મીડિયા પર વાયરલ થયો છે અને આ સમાચાર લખાય છે ત્યાં સુધી 43 લાખ લોકો તેને જોઈ ચૂક્યા છે. વીડિયો જોયા બાદ લોકો તેને ‘હીરો’ કહીને તેની પ્રશંસા કરી રહ્યા છે.
એકે લખ્યું છે કે જ્યારે આવી પરિસ્થિતિ થાય છે ત્યારે વીડિયો જોનાર કોઈપણ વ્યક્તિની પીઠના ઉપરના ભાગમાં ધક્કો મારવો મહત્વપૂર્ણ છે. લાઇટ ડૅબ બહુ કામ નહીં કરે. એકે લખ્યું કે તે વ્યક્તિએ બાળકનો જીવ બચાવ્યો તે મોટી વાત છે. અન્ય એકે લખ્યું કે તે કોઈ મુદ્દો નથી કે વ્યક્તિએ ઝડપથી મુક્કો માર્યો કે ધીમેથી, તે મહત્વનું છે કે બાળકનો જીવ બચી ગયો.
આ પણ વાંચોઃવિદ્યાર્થીનીઓને અપાઈ તાલિબાની સજા, શિક્ષકની કરતૂતનો વીડિયો વાયરલ
આ પણ વાંચોઃપાણીપુરીમાં કીડી ભરીને ખાઓ મજાથી, વીડિયો થઈ ગયો વાયરલ
આ પણ વાંચોઃરણમાં મહિલાએ ઊંટનું બુકિંગ કર્યુ ઉબેર કેબથી, વીડિયો જોતા જ તમને લાગશે ઝાટકો
