બોલિવૂડ અભિનેત્રી અનુષ્કા શર્મા છેલ્લા ઘણા સમયથી પડદાથી દૂર હતી, પરંતુ તે હજી સોશિયલ મીડિયા દ્વારા ચાહકોના દિલની નજીક છે. તાજેતરમાં જ અનુષ્કા શર્માએ એક પુત્રીને જન્મ આપ્યો છે. તેણે પોતાની પુત્રીની તસવીર સોશિયલ મીડિયા પર પણ શેર કરી છે. તેણે પોતાની પુત્રીનું નામ ‘વામિકા’ રાખ્યું. અભિનેત્રીએ તાજેતરમાં માર્ચમાં વામિકાનો બે મહિનાનો જન્મદિવસ ઉજવ્યો હતો. હવે અનુષ્કા તેની પુત્રીને ખોળામાં લઇને એરપોર્ટ પર જોવા મળી છે.
વિરાટ કોહલીની કેપ્ટનશીપ હેઠળ ટીમ ઈન્ડિયાએ નિર્ણાયક મેચમાં ઇંગ્લેન્ડને 36 રને હરાવીને ટી -20 શ્રેણી 3-2થી જીતી લીધી હતી. ટીમ હવે 23 મેથી શરૂ થનારી ઇંગ્લેન્ડ સામે ત્રણ મેચની વનડે સિરીઝ રમવાની છે. આ સિરીઝ માટે ટીમ ઇન્ડિયા પૂણે પહોંચી છે. વિરાટ અહીં પહોંચતા પહેલા લોકોએ તેને અમદાવાદ એરપોર્ટ પર જોયો હતો. તેમની સાથે તેમની પત્ની અનુષ્કા શર્મા અને પુત્રી વામિકા પણ હતી. આ દરમિયાન બંનેએ માસ્ક પહેર્યા હતા.
View this post on Instagram
આ ફોટો વિરલ ભિયાણીએ તેના ઇન્સ્ટાગ્રામ એકાઉન્ટ પર શેર કર્યો છે. આ તસવીરમાં તમે સ્પષ્ટ જોઈ શકો છો કે વિરાટ તેની પુત્રી વામિકાનું બેબી સ્ટ્રોલર તેના હાથમાં લઇ જતો જોવા મળ છે અને અનુષ્કાએ પુત્રીને ખોળામાં રાખી છે. આપને જણાવી દઇએ કે બીસીસીઆઈએ હવે ખેલાડીઓ અને તેમના પરિવારોને સાથે રહેવાની મંજૂરી આપી છે. અનુષ્કા ઇંગ્લેન્ડ સામેની ટેસ્ટ સિરીઝ દરમિયાન વિરાટ સાથે જોડાઇ હતી.
View this post on Instagram
વિરાટે તાજેતરમાં ઇંગ્લેન્ડ સામેની ટી -20 શ્રેણીમાં જબરદસ્ત બેટિંગ કરી હતી. પહેલી મેચમાં શૂન્ય પર આઉટ થયા બાદ વિરાટે તેની બેટિંગને વેગ આપ્યો હતો અને શાનદાર બેટિંગ કરીને પૂરી શ્રેણીમાં સૌથી વધુ રન બનાવ્યા હતા. આ માટે તેને મેન ઓફ ધ સિરીઝ તરીકે પણ ચૂંટવામાં આવ્યો હતો. વિરાટે તેની બેટિંગની સ્થિતિ બદલીને શ્રેણીની નિર્ણાયક મેચમાં ઓપનિંગ કરવાનો નિર્ણય કર્યો હતો. તેનો નિર્ણય સાચો સાબિત થયો અને ટીમે ઇંગ્લેન્ડ સામે 224 રનનો પહાજ જેવો સ્કોર બનાવ્યો. વિરાટે આ સમયગાળા દરમિયાન 80 રન બનાવ્યા હતા.
