Sports News: ક્રિકેટના કોરિડોરમાંથી એક મોટા સમાચાર સામે આવી રહ્યા છે. ટીમ ઈન્ડિયાના પૂર્વ બેટ્સમેન રોબિન ઉથપ્પા વિરુદ્ધ ધરપકડ વોરંટ જારી કરવામાં આવ્યું છે. 39 વર્ષીય બેટ્સમેન પર પ્રોવિડન્ટ ફંડ કૌભાંડનો આરોપ છે. આ વોરંટ પ્રાદેશિક પીએફ કમિશનર સદક્ષરી ગોપાલ રેડ્ડીએ જારી કર્યું છે. રેડ્ડીના વોરંટ બાદ પુલકેશનગર પોલીસને જરૂરી કાર્યવાહી કરવા કડક સૂચના આપવામાં આવી છે.
ઉથપ્પા સેન્ચ્યુરીઝ લાઈફસ્ટાઈલ બ્રાન્ડ પ્રાઈવેટ લિમિટેડ કંપનીનું સંચાલન જોઈ રહ્યા હતા.
Arrest warrant issued against former cricketer Robin Uthappa for alleged Rs 23 lakh Provident Fund fraud pic.twitter.com/pA3vXlezzZ
— Tide Bhai (@Public_Voice0) December 21, 2024
સેન્ચ્યુરીઝ લાઈફસ્ટાઈલ બ્રાન્ડ પ્રાઈવેટ લિમિટેડ નામની કંપનીનું સંચાલન કરી રહેલા રોબિન ઉથપ્પા પર આરોપ છે કે તેઓ તેમના કર્મચારીઓના પગારમાંથી પીએફ કાપી લે છે, પરંતુ તે રકમ તેમના કર્મચારીઓના ખાતામાં જમા કરાવતા નથી. જે બાદ તેમની સામે કાર્યવાહી કરવાની સૂચના આપવામાં આવી છે. ભારતીય ક્રિકેટર પર કુલ 23 લાખ રૂપિયાની ઉચાપતનો આરોપ છે.
વોરંટ જારી હોવા છતાં હજુ સુધી કોઈની ધરપકડ કરવામાં આવી નથી
PF કમિશનર સદક્ષરી ગોપાલ રેડ્ડીએ 4 ડિસેમ્બરે પુલકેશનગર પોલીસને પત્ર લખ્યો હતો. જેમાં ઉથપ્પા વિરુદ્ધ ધરપકડ વોરંટ જારી કરવામાં આવ્યું હતું. પરંતુ પોલીસે પીએફ ઓફિસને વોરંટ પરત કર્યું કે ઉથપ્પાએ કથિત રીતે તેમનું રહેઠાણ બદલ્યું છે.
ઉથપ્પાએ ભારત માટે 59 આંતરરાષ્ટ્રીય મેચ રમી છે.
રોબિન ઉથપ્પા ટીમ ઈન્ડિયાનો લોકપ્રિય ચહેરો છે. નિવૃત્તિ લેતા પહેલા, તે દેશ માટે કુલ 59 આંતરરાષ્ટ્રીય મેચ રમવામાં સફળ રહ્યો હતો. આ દરમિયાન 54 ઇનિંગ્સમાં તેના બેટથી 1183 રન બનાવ્યા હતા. આંતરરાષ્ટ્રીય ક્રિકેટમાં તેના નામે સાત અડધી સદી છે.
આ પણ વાંચો:ફાઈનલ પહેલા ધોની Confuse, પ્લેઇંગ ઈલેવનમાં કોણ હશે રૈના કે ઉથપ્પા?
આ પણ વાંચો:જાણો કઈ ટીમે કયા ખેલાડીને કર્યા રિલીઝ, જુઓ સંપૂર્ણ લિસ્ટ
આ પણ વાંચો:ચેન્નાઈ સામેની મેચમાં જ રાહુલે તોડ્યો ધોનીનો રેકોર્ડ
