Delhi Assembly Election Results:દિલ્હીના (Delhi) પૂર્વ મુખ્યમંત્રી અને આમ આદમી પાર્ટીના (AAP) વડા અરવિંદ કેજરીવાલને દિલ્હી વિધાનસભા ચૂંટણીમાં હારનો સામનો કરવો પડ્યો છે. પ્રવેશ વર્માએ તેમને નવી દિલ્હી વિધાનસભા બેઠક પર કારમી હાર આપી છે. કેજરીવાલ સામે ભારતીય જનતા પાર્ટીએ પ્રવેશ વર્મા અને કોંગ્રેસે સંદીપ દીક્ષિતને ટિકિટ આપી હતી. પ્રવેશ વર્માએ આ ચૂંટણીમાં પોતાની રાજકીય કારકિર્દીની સૌથી મોટી જીત હાંસલ કરી છે.
નવી દિલ્હી વિધાનસભા સીટ પર દિલ્હીના પૂર્વ મુખ્યમંત્રી અને દિલ્હીના બે પૂર્વ મુખ્યમંત્રીઓના પુત્રો વચ્ચે મુકાબલો હતો. અંતે વિજય પ્રવેશ વર્માને મળ્યો. પરવેશ વર્મા દિલ્હીના પૂર્વ મુખ્યમંત્રી સાહિબ સિંહ વર્માના પુત્ર છે. જ્યારે સંદીપ દીક્ષિત દિલ્હીના પૂર્વ સીએમ શીલા દીક્ષિતના પુત્ર છે.
કેજરીવાલ ઉપરાંત સિસોદિયા પણ હારી ગયા
અરવિંદ કેજરીવાલની સાથે આમ આદમી પાર્ટીના અન્ય ઘણા મોટા નેતાઓને ચૂંટણીમાં હારનો સામનો કરવો પડ્યો છે. મનીષ સિસોદિયા પણ જંગપુરા બેઠક પરથી હારી ગયા છે. દિલ્હીના સીએમ આતિશીને આકરી લડાઈનો સામનો કરવો પડી રહ્યો છે અને તેમની હારનો ખતરો છે. કેજરીવાલે ચૂંટણી પહેલા કહ્યું હતું કે જો આમ આદમી પાર્ટી સત્તામાં આવશે તો તેઓ ચોથી વખત દિલ્હીના મુખ્યમંત્રી બનશે. આ સાથે તેમણે મનીષ સિસોદિયાને ડેપ્યુટી સીએમ બનાવવાની જાહેરાત કરી હતી. જો કે પાર્ટીના બંને મોટા નેતાઓને હારનો સામનો કરવો પડ્યો છે.
ટ્રેન્ડ મુજબ આમ આદમી પાર્ટી પણ ચૂંટણી હારી ગઈ છે. જો કે આ સમાચાર લખાય છે ત્યાં સુધી ભાજપને સ્પષ્ટ બહુમતી મળવાની કોઈ સત્તાવાર જાહેરાત થઈ નથી. ટ્રેન્ડમાં ભાજપ 49 સીટો પર અને આમ આદમી પાર્ટી 21 સીટો પર આગળ છે.
આ પણ વાંચો: ભાજપ અને આમ આદમી પાર્ટી વચ્ચે નજીકની સ્પર્ધા, દિલ્હીમાં બળવો… કમળ ખીલશે ?
આ પણ વાંચો: દિલ્હીમાં ફરી વધશે ઠંડી, 4 રાજ્યોમાં વરસાદનું એલર્ટ; IMD નું નવીનતમ અપડેટ જાણો
આ પણ વાંચો: દિલ્હીવાસીઓ આજે પોતાની સરકાર પસંદ કરશે, 699 ઉમેદવારોના ભાવિનો નિર્ણય EVMમાં થશે
