શમાં વધી રહેલા કોરોના સંક્રમણને જોતા કોરોનાની ત્રીજી લહેરમાં એક દિવસમાં 8 લાખ સુધી કેસ નોંધાઈ શકે છે. જે લગભગ બીજી લહેર કરતા બમણા હશે તેવુ માનવામાં આવી રહ્યુ છે. તેની વચ્ચે IIT-કાનપુરના પ્રોફેસર મનિન્દ્ર અગ્રવાલે ચિંતાજનક દાવો કર્યો છે. તેમણે જણાવ્યુ છે કે જાન્યુઆરી મહિનાના ત્રીજી અઠવાડિયામાં દિલ્હી-મુંબઈમાં કોરોના કેસ પીક પર હશે, જેથી આ મહિનાથી જ કોરોનાની ત્રીજી લહેર આવે તેવી શક્યતા છે
ત્યારે વધતાં જતાં કેસો ને લીધે હિમાચલ પ્રદેશમાં માત્ર 50 ટકા સરકારી કર્મચારીઓ જ ઓફિસમાં આવશે. સરકારી કચેરીઓ માત્ર પાંચ દિવસ જ ખુલશે. રાજ્ય ડિઝાસ્ટર મેનેજમેન્ટે આ અંગે આદેશ જારી કર્યા છે. રાજ્યમાં સોમવારથી પાંચ દિવસનો કામકાજનો દિવસ જાહેર કરવામાં આવ્યો છે. કોરોના સંક્રમણના વધતા જતા કેસોને ધ્યાનમાં રાખીને સરકારે આ નિર્ણય લીધો છે.
આ પણ વાંચો:જીવલેણ ઉત્તરાયણ / ઉતરાયણ પહેલા જ ભરૂચમાં પતંગના દોરાથી ત્રણ લોકોના કપાયા ગળા, એકનું મોત, બે સારવાર હેઠળ
આ હુકમ તાત્કાલિક અસરથી અમલમાં આવ્યો છે. આ વ્યવસ્થા સોમવારથી અમલમાં આવશે. 100 લોકોને ઇન્ડોર મનોરંજન, સાંસ્કૃતિક અને રાજકીય કાર્યક્રમોની મંજૂરી આપવામાં આવશે. આઉટડોર ઇવેન્ટ માટે વધુમાં વધુ 300 લોકોને મંજૂરી આપવામાં આવશે.
રાજ્યમાં કોરોના સંક્રમણના કેસ ઝડપથી વધી રહ્યા છે. સક્રિય કેસ ત્રણ હજારની નજીક પહોંચી ગયા છે. મુખ્યમંત્રી જયરામ ઠાકુરે પણ 15 જાન્યુઆરી સુધીના તેમના તમામ નિર્ધારિત કાર્યક્રમો રદ્દ કરી દીધા છે. રાજ્યમાં હાલમાં નાઇટ કર્ફ્યુ લાગુ છે. જો કોરોના સંક્રમણના કેસ આ રીતે વધતા રહેશે તો કડકાઈ વધુ વધવાની શક્યતા છે.
આ પણ વાંચો:માતાના જીવનનો પતંગ કપાયો / દીકરીની સામે માતાનું પતંગની દોરીથી ગળું કપાતા મોત, બાળકીનો આબાદ બચાવ
