Ahmedabad News: અમદાવાદના અસલાલી વિસ્તાર (Aslali News)માં વિદેશી દારૂના કટિંગની પ્રવૃત્તિ (Aslali Liquor Raid) સામે પોલીસે કાર્યવાહી કરી છે. શ્રીજી બંગ્લોઝ પાછળ આવેલા ટી.પી. રોડ પર બાતમીના આધારે દરોડો પાડીને પોલીસે ચાર આરોપીઓને ઝડપી પાડ્યા છે. આ દરમિયાન વિદેશી દારૂ અને બિયર સહિત કુલ ₹18.29 લાખથી વધુનો મુદ્દામાલ કબજે કરવામાં આવ્યો છે.
Aslali Liquor Raid: ક્રેટામાંથી સ્વિફ્ટ ડિઝાયરમાં દારૂનું કટિંગ
પોલીસના જણાવ્યા અનુસાર, દરોડા દરમિયાન ક્રેટા કારમાંથી સ્વિફ્ટ ડિઝાયર કારમાં દારૂનું કટિંગ (Aslali Liquor Cutting) કરવામાં આવી રહ્યું હતું. પોલીસે સ્થળ પરથી ભારતીય બનાવટના વિદેશી દારૂ અને બિયરની કુલ 1,552 બોટલો જપ્ત કરી હતી. આ દારૂની કિંમત ₹2,60,512 હોવાનું જણાવાયું છે.
₹18,29,512નો મુદ્દામાલ જપ્ત
આ કાર્યવાહી દરમિયાન પોલીસે દારૂ ઉપરાંત ચાર મોબાઈલ ફોન, ક્રેટા કાર, સ્વિફ્ટ ડિઝાયર કાર અને અન્ય ચાર વાહનો સહિત કુલ ₹18,29,512નો મુદ્દામાલ કબજે કર્યો છે. પોલીસે સમગ્ર મામલે કાયદેસરની કાર્યવાહી શરૂ કરી છે.
અમદાવાદ અને રાજસ્થાનના ચાર આરોપીઓ ઝડપાયા
આ કેસમાં પોલીસે ચાર આરોપીઓની ધરપકડ (Ahmedabad Crime News) કરી છે. પકડાયેલા આરોપીઓમાં રાજસ્થાનના ઝાલોરનો 25 વર્ષીય અશોકકુમાર બિશ્નોઈ, અમદાવાદના રામોલનો 26 વર્ષીય નરેન્દ્રસિંગ ઉર્ફે રાજ રાજપુત, રામોલનો 20 વર્ષીય અનુજ શર્મા અને ઇસનપુરનો 30 વર્ષીય જીજ્ઞેશ ઉર્ફે જીગો વાઘેલાનો સમાવેશ થાય છે.
અસલાલી પોલીસે (Aslali Police Raid) તમામ આરોપીઓ સામે ગુનો નોંધી વધુ તપાસ હાથ ધરી છે. દારૂનો જથ્થો ક્યાંથી લાવવામાં આવ્યો હતો અને આ પ્રવૃત્તિમાં અન્ય કોઈની સંડોવણી છે કે કેમ, તે સહિતની વિગતો તપાસમાં સામે આવી શકે છે.
આ પણ વાંચો: એક રૂમના લાઇસન્સ પર 4 રૂમમાં દવાઓનો સંગ્રહ! પટનાની ફાર્મા કંપની પર દરોડો
આ પણ વાંચો: મુંદરા મરીન વિસ્તારમાં LCBનો દરોડો, 178 દારૂની બોટલ-24 બિયર ટીન સાથે શખ્સ ઝડપાયો
આ પણ વાંચો: પામ ઓઈલ-મિલ્ક પાવડરથી બનતું હતું દૂધ? ઉપલેટામાં પોલીસનો દરોડો, લાખોનો મુદ્દામાલ જપ્ત
