આસામ વિધાનસભાની ચૂંટણીની તારીખોનું એલાન કરવામાં આવ્યું છે, ત્યારે આ ચૂંટણી પૂર્વે કોંગ્રેસ મહામંત્રી પ્રિયંકા ગાંધી રાજ્યના પ્રવાસે છે. આ સમય દરમિયાન, તેમણે ચાના બગીચામાં કામ કરતા મજૂરો સાથે વાતચીત કરી હતી અને પ્રિયંકા રાજ્યના બિસ્વનાથના સદગુરુ ચાના બગીચામાં પહોંચી હતી, જ્યાં તેમણે માથા પર ટોપલી બાંધી હતી અને ચાના પાંદડા તોડ્યા હતા.
હકીકતમાં, આસામમાં 27 માર્ચ, 1 એપ્રિલ અને 6 એપ્રિલના રોજ ત્રણ તબક્કામાં વિધાનસભાની ચૂંટણીઓ યોજાવાની છે, જેથી રાજકીય પક્ષોએ જોરશોરથી ચૂંટણી ક્ષેત્રે પોતાનો દાવ લગાવ્યો છે. ભૂતકાળમાં, પ્રિયંકા ગાંધીએ કહ્યું હતું કે, આસામની બહુ રંગીન સંસ્કૃતિ એ આસામની શક્તિ છે. આસામની યાત્રા દરમિયાન, તેમને લાગ્યું કે તેઓ આ બહુ રંગીન સંસ્કૃતિને બચાવવા સંપૂર્ણ પ્રતિબદ્ધતા સાથે તૈયાર છે. કોંગ્રેસ પક્ષ તેમની સંસ્કૃતિ અને વારસો બચાવવા આસામના લોકોની લડતમાં તેમની સાથે છે.
Smt. @priyankagandhi learns the intricacies of tea leaf plucking directly from the women tea workers at Sadhuru tea garden, Assam.#AssamWithPriyankaGandhi pic.twitter.com/605Kuah2UL
— Congress (@INCIndia) March 2, 2021
આ પણ વાંચો : જાણો, કેમ લખનઉ માટે ઉડાન ભરેલી ઇન્ડિગો એરલાઇન્સની ફ્લાઇટને કરાચીમાં કરવું પડ્યું ઇમરજન્સી લેન્ડિંગ
પ્રિયંકા ગાંધી વાડ્રાએ દાવો કર્યો હતો કે, સુધારેલા નાગરિકતા અધિનિયમ (સીએએ) લાગુ કરવા માટે ભાજપના નેતાઓ દેશભરમાં વાત કરી રહ્યા છે, પરંતુ આસામ આવતા જ તેઓ તેના પર મૌન ધારણ કરે છે. 2019 માં આસામમાં સીએએ વિરુદ્ધ હિંસક દેખાવો થયા હતા અને પાંચ લોકોએ જીવ ગુમાવ્યો હતો. જેમાં વિરોધ કરનારાઓ કાયદાને તેમની સાંસ્કૃતિક ઓળખ અને આજીવિકા માટે ખતરો ગણાવી રહ્યા છે.
પ્રિયંકાએ જણાવ્યું હતું કે વિધાનસભાની ચૂંટણી બાદ આસામમાં કોંગ્રેસ અને અન્ય છ પાર્ટીઓનું મહાગઠબંધન સરકાર બનાવશે, કારણ કે રાજ્યના લોકો ભાજપના ખોટા વચનોથી કંટાળી ગયા છે. પાર્ટીના કાર્યકરોને સંબોધન કર્યા પછી કોંગ્રેસ નેતાએ પત્રકારોને કહ્યું, “ભાજપ ચૂંટણી પહેલા મોટા વચનો આપે છે, પરંતુ આગામી પાંચ વર્ષ દરમિયાન તેઓ તેમને પૂરા કરવા કંઇ કરશે નહીં અને લોકો તે સમજી ગયા છે”
આ પણ વાંચો : ક્રિકેટ મેદાન બાદ હવે સોશિયલ મીડિયામાં છવાયો વિરાટ, ઈન્ટાગ્રામ પર થયા આટલા કરોડ ફોલોવર્સ
