હવે કર્ણાટકની બેંગ્લોર પોલીસ એક અદભૂત પદ્ધતિ અપનાવી છે જેથી લોકો કાયદાથી ડરી રહ્યા છે અને તેઓ ટ્રાફિકના નિયમોનું પાલન કરે.
બેંગલુરુ પોલીસની નવી પહેલ
હવે પોલીસના પુતળા મુકવામાં આવશે
એક અઠવાડિયામાં 200 ‘પોલીસ‘ પુતળા સ્થાપિત કરાશે
સામાન્ય જનતાને ટ્રાફિકના નિયમોનું પાલન થાય તે માટે સરકાર દ્વારા લાખો પ્રયત્નો કરવામાં આવે છે. ટ્રાફિક સપ્તાહની ઉજવણી કરવામાં આવે છે, અનેક ઝુંબેશ સોશિયલ મીડિયા પર ચલાવવામાં આવે છે. પરંતુ હવે કર્ણાટકની બેંગલુરુ પોલીસે એક અદભૂત પદ્ધતિ અપનાવી છે જેથી લોકો કાયદાથી ડરી જાય અને તેઓ ટ્રાફિકના નિયમોનું પાલન કરે.
પોલીસની સાથે, બેંગાલુરુના રસ્તાઓ પર પોલીસના પુતળાઓ પણ ઉભા રહેશે, જે લોકોને ટ્રાફિકના નિયમોનું પાલન કરવા પ્રેરણારૂપ બનશે.
બેંગુલુરુ પોલીસ વતી શહેરમાં આવા કુલ 200 જેટલા પુતળા ઉભા કરવાની યોજના છે. આ પ્રતિમા સંપૂર્ણ ટ્રાફિક પોલીસ ડ્રેસમાં, ચશ્મા, ટોપી સાથે મુકવામાં આવશે. અત્યાર સુધીમાં, બેંગ્લોરમાં 60 થી વધુ સ્થળોએ આવા પુતળા મુકવામાં આવ્યા છે. પરંતુ આગામી એક અઠવાડિયામાં 200 થી વધુ સ્થળો પર સ્થાપિત કરવાનું લક્ષ્ય રાખવામાં આવ્યું છે.
લોકો મોટેભાગે ચાર રસ્તા પર ટ્રાફિકના નિયમો તોડે છે, જો પોલીસ રસ્તા પર ઉભી રહે છે, તો લોકો નિયમો તોડવામાં થોડો ગભરાટ અનુભવે છે.
આ જ કારણ છે કે આવી ટેક્નોલોજી અપનાવવામાં આવી છે, જેથી જ્યાં પોલીસકર્મીઓ તૈનાત ન હોય ત્યાં તેનો ઉપયોગ કરી શકાય અને લોકોમાં વાતાવરણ જોવા મળે કે ત્યાં ટ્રાફિક પોલીસ તહેનાત છે.
બેંગ્લોર પોલીસનું કહેવું છે કે એકવાર આ પ્રયોગ સફળ થયા પછી તેમના વતી આ પુતળાઓમાં કેમેરા પણ લગાવવામાં આવશે, જેથી લોકોની હિલચાલ પર નજર રાખી શકાય. બેંગલુરુ પોલીસની આ પહેલની ચર્ચા સોશિયલ મીડિયા પર પણ થઈ રહી છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
