Sports News : બોર્ડર ગાવસ્કર ટ્રોફી (BGT) 24 કલાક પછી શરૂ થશે. પરંતુ આ પહેલા ટીમ ઈન્ડિયામાં ઈજાની ચિંતાએ ચાહકોનું ટેન્શન વધારી દીધું હતું. હવે 22 નવેમ્બરથી શરૂ થઈ રહેલી પર્થ ટેસ્ટ પહેલા BCCIએ મોટી જાહેરાત કરી છે. ઈજાગ્રસ્ત શુભમન ગિલના સ્થાને ટીમમાં નવા ખેલાડીને તક મળી છે. યુવા દેવદત્ત પડિક્કલને ટીમમાં સામેલ કરવામાં આવ્યો છે, જેણે ઈંગ્લેન્ડ સામે પોતાના ડેબ્યૂમાં સારી બેટિંગ કરી હતી. ભારતીય ક્રિકેટ કંટ્રોલ બોર્ડ (BCCI) એ સોશિયલ મીડિયા પર પોસ્ટ કરીને આ જાણકારી આપી. દેવદત્ત પડિકલે ટીમ ઈન્ડિયા માટે ઈંગ્લેન્ડ સામે ડેબ્યુ કર્યું હતું.
તે મેચમાં તેણે 65 રનની જોરદાર ઇનિંગ રમી હતી. તાજેતરમાં, ભારત A વતી રમતી વખતે પડિકલે ઓસ્ટ્રેલિયા A સામે શાનદાર બેટિંગ કરી હતી. તેના પ્રદર્શનને જોતા તેને ભારતીય ટીમમાં તક મળી. પડિકલે ઓસ્ટ્રેલિયા A સામે 36, 88, 26 અને 1 રન બનાવ્યા હતા. હવે તે જોવાનું રસપ્રદ રહેશે કે તેને ભારતીય ટીમની પ્લેઈંગ ઈલેવનમાં તક મળે છે કે નહીં.ભારતીય ટીમના કેટલાક ખેલાડીઓને પ્રેક્ટિસ દરમિયાન ઈજા થઈ હતી. આ યાદીમાં શુભમન ગિલનું નામ પણ હતું. તેના અંગૂઠામાં ઊંડી ઈજા થઈ હતી, જેના કારણે તે પર્થ ટેસ્ટમાંથી બહાર થઈ શકે છે. ફાસ્ટ બોલર ખલીલ અહેમદને ઈજાના કારણે સ્વદેશ પરત ફરવું પડ્યું હતું.
ઓસ્ટ્રેલિયા સામે ગિલના આંકડા શાનદાર છે, તેથી સવાલ એ છે કે ગીલની જગ્યાએ પ્લેઈંગ ઈલેવનમાં 3 નંબર પર કોણ બેટિંગ કરશે. રોહિત શર્માની ગેરહાજરીમાં ટીમની કમાન જસપ્રિત બુમરાહના હાથમાં રહેશે. તેણે મેચ પહેલા પ્રેસ કોન્ફરન્સમાં સ્પષ્ટ કર્યું હતું કે તેની ટીમની પ્લેઈંગ ઈલેવન તૈયાર છે. તેણે પ્રેસ કોન્ફરન્સમાં કહ્યું, ‘અમે પ્રથમ ટેસ્ટ માટે પ્લેઈંગ ઈલેવન તૈયાર કરી છે. પરંતુ આ માટે તમારે સવાર સુધી રાહ જોવી પડશે. કેપ્ટન બનવું મારા માટે સન્માનની વાત છે. રોહિત અલગ છે અને વિરાટ પણ અલગ છે પરંતુ મારી પોતાની સ્ટાઈલ છે. હું તેને પદ તરીકે નથી જોઈ રહ્યો, મને જવાબદારી લેવી ગમે છે.
આ પણ વાંચો: ફિલ્ડ અમ્પાયર સાથે વારંવાર દલીલ કરતો જોવા મળ્યો રિષભ પંત
આ પણ વાંચો: BCCIએ રિષભ પંત સહિત દિલ્હી કેપિટલ્સને દંડ ફટકાર્યો
આ પણ વાંચો: રોહિત શર્માએ અંગ્રેજી ખેલાડીને જડબાતોડ જવાબ આપ્યો, તેથી રિષભ પંતનું લીધું નામ
