ભાવનગરનો “શેત્રુંજી આપે પાણી પણ,સત્તાધીશો નહીં ભરે બિલ !”વ્યાજ પર વ્યાજની લાલીયાવાડીમાં ફસાયા

#Bhavnagarnews/ ભાવનગરનો “શેત્રુંજી આપે પાણી પણ,સત્તાધીશો નહીં ભરે બિલ !”વ્યાજ પર વ્યાજની લાલીયાવાડીમાં ફસાયા

વિચાર કરો, દરરોજ મફતમાં પાણી, પણ ચૂકવણીમાં શૂન્ય જવાબદારી! દરમિયાન સિંચાઈ વિભાગના પત્રોની ઢગલીઓ પાસે હવે કોમ્પ્યુટર પણ ‘આઉટ ઓફ મેમરી’ બતાવતું થયું છે. ભાવનગર ઈરિગેશન વિભાગ દ્વારા સમયાંતરે મહાપાલિકાને પત્ર વ્યવહાર લખી લખીને થાકી ગયા પણ મહાપાલિકા છે કે કહે “આજે નહીં, કાલે!”

હિરેન ચૌહાણ ભાવનગર મંતવ્ય

Bhavnagar News: સૌરાષ્ટ્રના જીવાદોરી સમાન શેત્રુંજી ડેમમાંથી દરરોજ 10 કરોડ લિટર પાણી
પીજનાર ભાવનગર મહાનગરપાલિકા આજે પાણીના બિલના રૂ. 305 કરોડના વ્યાજ પર વ્યાજની કાચી લાલીયાવાડી માં ફસાઈ છે.

દૈનિક પાણી ખેંચાણ: 100 MLD (10 કરોડ લિટર) દર લિટર દર: 0.50 પૈસા
માસિક બિલ: રૂપિયા 1.73 કરોડ
કુલ બાકી રકમ: 305 કરોડ પેનલ્ટી અને વ્યાજ સહિત અને આ દરેક રૂપિયો હવે શહેરના નાગરિકોના ખિસ્સામાંથી નહીં, પણ ગળામાંથી નળીમાં વહીને, મનપાની બદનામીમાં સંકેત આપી રહ્યો છે.

“વન ટાઈમ સેટલમેન્ટ” પણ ન થયું સેટલ

સીધા અર્થમાં કહીએ તો— વન ટાઈમ સેટલમેન્ટ યોજના હેઠળ પણ “સેટલ થવાની ઇચ્છા” મહાપાલિકામાં દેખાતી નથી. વર્તમાનમાં શહેરને સહાયક પૂરવઠા તરીકે બોરતળાવમાંથી 20 થી 40 MLD પાણી મળે છે, પણ મૂળ આધાર તો શેત્રુંજી જ છે. જો સિંચાઈ વિભાગ કડક પગલા લે અને શેત્રુંજીનું પાણી બંધ કરે તો…?
ભાવનગર “તરસ્યું રહેશે ,

“માફ કરો, આ ઋણ અમે રફાદફ કરીએ છીએ!” “શેત્રુંજી ડેમનો પાણીનો પ્રવાહ તો ચાલુ છે, પણ ભાવનગર મનપાનું ચૂકવણીનું વહાણ તો વર્ષોથી ડૂબી ગયું છે. પંપ હાઉસ તો ચાલે છે પણ ધમક વગર. બિલ તો આવે છે પણ મનપાની જાતી સંમતિએ… બસ ‘અગાઉની સરકારે શા માટે નહીં ભર્યું’ એવો જૂનો રેકોર્ડ વાગે છે.”
“પાણી પચાવીએ પણ ભાવે નહીં — એવુ નવતર નારું હવે ભાવનગર માટે બેસી ગયું છે.”