રવિવારે, આસામના પશ્ચિમ કાર્બી આંગલોંગ જિલ્લામાં સુરક્ષા દળો સાથેની એન્કાઉન્ટરમાં ડિમાસા નેશનલ લિબરેશન આર્મી (ડીએનએલએ) ના 6 આતંકવાદીઓ માર્યા ગયા હતા. એક વરિષ્ઠ પોલીસ અધિકારીએ આ માહિતી આપી છે.
તેમણે જણાવ્યું હતું કે ગુપ્ત માહિતી પર કાર્યવાહી કરીને સંયુક્ત ઓપરેશન શરૂ કરવામાં આવ્યું હતું. સુરક્ષા કર્મીઓ અને આતંકવાદીઓ વચ્ચે થયેલા ફાયરિંગમાં 6 આતંકવાદીઓ માર્યા ગયા હતા.
માર્યા ગયેલા આતંકવાદીઓ પાસેથી ચાર એકે-47 રાઇફલ્સ અને અનેક રાઉન્ડ દારૂગોળો મળી આવ્યો છે. વરિષ્ઠ અધિકારીએ જણાવ્યું કે, સર્ચ ઓપરેશન હજી ચાલુ છે.
