New Delhi News: લોકસભા ચૂંટણી 2024 માટે ઉમેદવારોના નામ માટે વડાપ્રધાન નરેન્દ્ર મોદીની અધ્યક્ષતામાં ભાજપની કેન્દ્રીય ચૂંટણી સમિતિની બેઠક મળી હતી. લોકસભા ચૂંટણીમાં 370નો લક્ષ્યાંક પૂર્ણ કરવા ભાજપે તડામાર તૈયારીઓ શરૂ કરી દીધી છે.
મળતી માહિતી મુજબ, ભાજપ ફિલ્મી કલાકારોને ચૂંટણીમાં ઉતારવાની યોજના ધરાવી શકે છે. પક્ષ અક્ષય કુમાર અને કંગના રનૌતને ટિકિટ આપી શકે તેના અહેવાલ સામે આવી રહ્યાં છે. અક્ષય કુમાર દિલ્હીના ચાંદની ચોકથી અને કંગના રણૌત હિમાચલ પ્રદેશની મંડી લોકસભા બેઠક પરથી ચૂંટણી લડી શકે છે. વડાપ્રધાન નરેન્દ્ર મોદી અને ગૃહમંત્રી અમિત શાહ સહિત ઘણા દિગ્ગજ નેતાઓના નામ ભાજપની પ્રથમ યાદીમાં હોવાની અપેક્ષા છે. કેન્દ્રીય ચૂંટણી સમિતિની બેઠક ગુરુવારે રાત્રે નવી દિલ્હીના ભાજપના મુખ્યાલય ખાતે યોજાઈ હતી.
ભાજપે લોકસભા ચૂંટણી 2024માં 370 સીટો જીતવાનું લક્ષ્ય રાખ્યું છે. ભાજપનું ધ્યાન માત્ર હિન્દીભાષી રાજ્યો પર જ નહીં પરંતુ દક્ષિણના રાજ્યો પર પણ છે. 543 બેઠકો માટે ભાજપનું ધ્યાન કેન્દ્રિત છે. વર્ષ 2019માં ભાજપે 303 બેઠકો જીતી હતી. 2019માં પાર્ટીને ઉત્તરપ્રદેશમાં 62 સીટો મળી હતી. ભાજપની કેન્દ્રીય ચૂંટણી સમિતિની બેઠકમાં યુપીના ઉમેદવારો પર ખાસ ચર્ચા કરવામાં આવી હતી. પાર્ટીનું ધ્યાન યુપીમાં લગભગ 50 સીટો પર છે.
આ વખતે ભાજપ તેના 60 થી 72 સાંસદોની ટિકિટ રદ કરી શકે છે. પાર્ટી છેલ્લા બે વર્ષથી સાંસદોના કામની માહિતી એકત્ર કરી રહી છે. આ માટે નમો એપથી લઈને સર્વે સુધી અનેક સ્ત્રોતોમાંથી માહિતી લેવામાં આવી રહી છે. સાંસદો તેમના વિસ્તારમાં કેટલું કામ કરે છે અને તેમની લોકપ્રિયતા કેટલી છે તે જાણી લેવામાં આવ્યું છે.
આ પણ વાંચો: Cadila MD Case/ કેડીલા CMD રાજીવ મોદી સામે દુષ્કર્મનો કેસમાં યુવતી સમરી રીપોર્ટ સામે ઉઠાવી શકે છે વાંધો, કોર્ટ પાસે સમરી રીપોર્ટની માંગી કોપી
આ પણ વાંચો: Gujarat unseasonalrain/ગુજરાતમાં અનેક જિલ્લાઓમાં કમોસમી વરસાદ ખાબક્યો, પાક બચાવવા કૃષિ વિભાગનું સૂચન
આ પણ વાંચો: Gujrat/નર્મદામાં ગાંજાનો ગેરકાયદેસર વેપાર, જથ્થા સાથે ઝડપાયો એક શખ્સ