Gandhinagar News: ડભોડાના રાયપુર ગામમાંથી ત્રણ દિવસ પહેલા ગુમ થયેલી 9 વર્ષની બાળકીનો મૃતદેહ પ્લાસ્ટિકના કોથળામાં મળી આવતા ભારે ચકચાર મચી ગઈ હતી. પોલીસે ઘટનાસ્થળે પહોંચીને સઘન તપાસ શરૂ કરી હતી.
રાયપુર ગામના રામાપીરવાળા વાસમાં રહેતી 9 વર્ષની બાળકી 12 નવેમ્બરના રોજ ગુમ થઈ ગઈ હતી. જ્યારે તે મળી ન હતી, ત્યારે તેના પિતાએ ડભોડા પોલીસ સ્ટેશનમાં ફરિયાદ નોંધાવી હતી, અને તેને અજાણ્યા વ્યક્તિઓ દ્વારા અપહરણ કરવામાં આવ્યું હોવાની શંકા વ્યક્ત કરી હતી.
ફરિયાદના આધારે, પોલીસે બાળકીની શોધ શરૂ કરી હતી અને સોશિયલ મીડિયા પર તેની જાહેરાત કરી હતી. ગઈકાલે રાત્રે, પરિવારના ઘરની પાછળના એક રૂમના ઓટલામાંથી એક શંકાસ્પદ પ્લાસ્ટિકનો કોથળો મળી આવ્યો હતો. તપાસ કરતાં, ગુમ થયેલી બાળકીનો મૃતદેહ બેગમાંથી મળી આવ્યો હતો.
બાળકીની હત્યા અને તેના મૃતદેહને કોથળામાં છુપાવવાની ભયાનક ઘટનાની માહિતી મળતાં, જિલ્લા પોલીસ વડા રવિ તેજા વાસમ શેટ્ટી તાત્કાલિક ઘટનાસ્થળે પહોંચ્યા હતા. આ ગંભીર ગુનાને ઉકેલવા માટે પોલીસે સઘન તપાસ શરૂ કરી છે.
થોડા સમય પહેલા ભાવનગરમાં સિહોરના ગૌતમેશ્વર તળાવમાંથી ગુમ થયેલી યુવતીનો મૃતદેહ મળી આવ્યો હતો.આ યુવતી પણ બે દિવસથી ગુમ હોવાનું સામે આવ્યું હતું. જોકે તળાવના કાંઠેથી યુવતીની ચુંદડી મળી આવી હતી. જેના પછી ફાયર વિભાગની ટીમે તળાવમાં શોધખોળ કરી હતી . યુવતીનું નામ કાજલ બારૈયા હતું.
પોલીસની પ્રાથમિક તપાસમાં એવું તારણ નીકળ્યું હતું કે યુવતીએ ગૌતમેશ્વર તળાવમાં ઝંપલાવી આત્મહત્યા કરી છે. યુવતી બે દિવસથી ગુમ હોવાના કારણે કુટુંબીઓ તેની શોધખોળ કરી રહ્યા હતા. છેવટે તળાવની સપાટી પર તેનો તરતો મૃતદેહ જોતાં સ્થાનિકોએ પોલીસને જાણ કરી હતી. યુવતીની આત્મહત્યાના સમાચાર વાયુવેગે ફેલાઈ જતાં સિહોરમાં ગમગીની છવાઈ ગઈ હતી.
આ પણ વાંચો:ગાંધીનગરમાં ગમખ્વાર અકસ્માતની ઘટના, સાત લોકોને પહોચી ઇજા
આ પણ વાંચો:ગાંધીનગરમાંથી ઝડપાયેલા આતંકીઓનું સોશિયલ મીડિયાથી રેડિકલાઈઝેશન અને કાશ્મીર કનેક્શન
આ પણ વાંચો:ગુજરાતમાં ગાંધીનગર સહિત અમદાવાદ અને જૂનાગઢમાં IT ટીમ ત્રાટકી શોધખોળ ચાલુ….
