મુંબઈ-અમદાવાદ વચ્ચે દોડનારી બુલેટ ટ્રેન પ્રોજેક્ટનું કામ તેજ ગતિએ ચાલી રહ્યું છે. ગુજરાત ભાગમાં સ્ટેશનો અને ટ્રેક પિલરનું મોટા ભાગનું કામ પૂર્ણ થયા બાદ ટ્રેકનું કામ શરૂ થશે. મુંબઈ-અમદાવાદ હાઈ સ્પીડ રેલ કોરિડોરનો ટ્રેક બેલાસ્ટલેસ ટ્રેક ((Ballastless track) હશે. કોરિડોરના જરૂરી ટ્રેક સ્લેબ માટે આણંદ નજીક એક સંપૂર્ણ પ્લાન્ટ કાર્યરત કરવામાં આવ્યો છે. જ્યાં બુલેટ ટ્રેનના ટ્રેકનો સ્લેબ તૈયાર કરવામાં આવશે.
પ્લાન્ટ આઠ મહિનામાં બનાવ્યો
બુલેટ ટ્રેન કોરિડોર માટે તૈયાર કરવામાં આવેલ આ પ્લાન્ટ આઠ મહિનામાં પૂર્ણ કરવામાં આવ્યો છે. હાઇ સ્પીડ રેલ કોરિડોરના ટ્રેક માટે પ્રી-કાસ્ટ ટ્રેક સ્લેબનું નિર્માણ અહીં કરવામાં આવશે. આ પ્લાન્ટ 1 લાખ ચોરસ મીટરમાં બનાવવામાં આવ્યો છે. તેણે MAHSR પ્રોજેક્ટ માટે 45,000 પ્રિકાસ્ટ ટ્રેક સ્લેબનું ઉત્પાદન કરવાની સુવિધા પૂરી પાડી છે. ટ્રેક સ્લેબ બનાવવાની સાથે તેમને પણ અહીં સંગ્રહિત કરવામાં આવશે. જેનો ઉપયોગ બુલેટ ટ્રેનના ટ્રેકમાં કરવામાં આવશે. આ પ્લાન્ટની ક્ષમતા પ્રતિ દિવસ 60 ટ્રેક સ્લેબ બનાવવાની છે. બુલેટ ટ્રેન કોરિડોર માટે સુરત જિલ્લા નજીકના કિમ ગામમાં અન્ય એક ટ્રેક સ્લેબ ઉત્પાદન સુવિધા બનાવવામાં આવી રહી છે.
બુલેટ ટ્રેનનો ટ્રેક આવો હોવો જોઇએ
બુલેટ ટ્રેનનો ટ્રેક ભારતીય રેલ્વેના ટ્રેક કરતા તદ્દન અલગ હશે. જેમ મેટ્રો ટ્રેકમાં બાલાસ્ટનો ઉપયોગ કરવામાં આવતો નથી. એ જ રીતે બુલેટ ટ્રેનનો ટ્રેક પણ બેલાસ્ટ ફ્રી હશે. નેશનલ હાઈ સ્પીડ રેલ કોર્પોરેશન લિમિટેડ (NHRCL)ના જણાવ્યા મુજબ, બુલેટ ટ્રેનના ટ્રેકમાં કુલ છ ઘટકો હશે. આમાં પ્રથમ ઘટક આરસી ટ્રેક બેડ પછી વાયડક્ટ અને ટ્રેક સ્લેબ છે. સ્લેબ વચ્ચે RC ટ્રેક બેડ અને ટ્રેક સિમેન્ટમાંથી બનેલા ડામર મોર્ટારનો ઉપયોગ કરવામાં આવશે. આ સિવાય બુલેટ ટ્રેનના ટ્રેકને નવી રીતે ચુસ્ત બનાવવામાં આવશે. NHRCL મુજબ, બુલેટ ટ્રેન J સ્લેબ ટ્રેક સિસ્ટમ પર દોડશે. ગુજરાતના ભાગમાં ઓગસ્ટ 2027 સુધીમાં બુલેટ ટ્રેન દોડાવવાની તૈયારીઓ ચાલી રહી છે.
આ પણ વાંચો:Mumbai-Ahmedabad Bullet Train Project/ મુંબઈ-અમદાવાદ બુલેટ ટ્રેન પ્રોજેક્ટને મળ્યો વેગ , ગુજરાતમાં ત્રણ નદીઓ પર એક મહિનામાં બન્યા પુલ
આ પણ વાંચો:વાત વિકાસની/ બુલેટ ટ્રેનના સુરત સ્ટેશને જે-સ્લેબ બેલેસ્ટલેસ ટ્રેકનું નિર્માણ લેવાનું શરૂ કર્યું
આ પણ વાંચો:Mumbai-Ahmedabad Bullet Train Project/ વલસાડમાં બુલેટ ટ્રેન માટે બુલેટ ગતિએ થઈ રહ્યો છે પ્રથમ રેલ્વે બ્રિજ
આ પણ વાંચો:બુલેટ ટ્રેન/ બુલેટ ટ્રેન સામેનો અંતિમ અવરોધ પણ હટ્યોઃ ગોદરેજની અરજી હાઇકોર્ટે ફગાવી
