અમદાવાદ: દેશની સૌથી મોટી બેંક સ્ટેટ બેંક ઓફ ઇન્ડિયા (SBI)માં જો તમે ખાતું (એકાઉંટ) ધરાવતા હો તો તમારા માટે આ ખૂબ જરૂરી અને મહત્વના સમાચાર છે.
સ્ટેટ બેંક ઓફ ઇન્ડિયા આગામી તા. 1 ડિસેમ્બરથી પોતાની ચાર મહત્વની સેવાઓ બંધ કરવા જઇ રહી છે. જો તમે સ્ટેટ બેંક ઓફ ઇન્ડિયાના ગ્રાહક છો, તો આગામી તા. 1 ડિસેમ્બર,૨૦૧૮ પછી આ સેવાઓનો લાભ મેળવી શકશો નહી.
જો કે કેટલીક સેવાઓનો ઉપયોગ તમે બેંકની શરતોને પૂર્ણ કર્યા પછી તેનો ઉપયોગ કરી શકશો. જે ચાર સેવાઓ બંધ કરવામાં આવી રહી છે તે અત્રે પ્રસ્તુત કરવામાં આવી છે.
ઇન્ટરનેટ બેકિંગ સર્વિસ બ્લોક થશે
બેંક (એસબીઆઈ) દ્વારા પોતાના ગ્રાહકોને અપીલ કરવામાં આવી છે કે, તમારો મોબાઇલ નંબર તા. 1 ડિસેમ્બર, ૨૦૧૮ સુધીમાં બેંક સાથે રજિસ્ટર કરાવી લો. બેંકે જણાવ્યું છે કે, જો તમે તા. 1 ડિસેમ્બર, ૨૦૧૮ સુધીમાં આ કામ પતાવી લેજો. નહી તો, તમારી ઇન્ટરનેટ બેકિંગ સેવાને બ્લોક કરી દેવામાં આવશે.
આ પછી તમે ઇન્ટરનેટ બેકિંગના માધ્યમથી ટ્રાંજેક્શન નહી કરી શકો. જો કે, આ સંજોગોમાં તમે ખાતાધારક તરીકે અન્ય સેવાઓનો લાભ તો ઉઠાવી જ શકશો, પરંતુ ઓનલાઇન બેકિંગનો ઉપયોગ કરી શકશો નહી.
SBI વોલેટ બંધ કરાશે
સ્ટેટ બેંક ઓફ ઇન્ડિયા (એસબીઆઈ) તેના પોતાના સૌથી લોકપ્રિય અને મહત્વપૂર્ણ મોબાઇલ વોલેટ SBI Buddy ને બંધ કરવા જઇ રહી છે. બેંક દ્વારા આગામી તા. 30 નવેમ્બરથી તેને સંપૂર્ણપણે બંધ કરી દેવામાં આવશે. એસબીઆઈએ આ અંગે પોતાના ગ્રાહકોને સૂચના આપી છે.
બેંકે ગ્રાહકોને કહ્યું કે તે 30 નવેમ્બર સુધી વોલેટમાં વધેલા પૈસા કાઢી લે. એસબીઆઈએ મોબાઇલ વોલેટ Buddy ની શરૂઆત ઓગસ્ટ 2015માં કરી હતી. તેની સાથે તેને એક સાથે 13 ભાષાઓમાં લોંચ કર્યું હતું.
જો કે ગ્રાહકો તેના SBI Buddy વોલેટના સ્થાને હવે SBI YONO ને મોબાઇલ વોલેટની જેમ ઉપયોગ કરી શકાશે. YONO માં SBI Buddy ની તુલનામાં વધુ ફીચર્સ છે.
પેંશનધારકોનું અટકી શકે છે પેંશન
એસબીઆઈના પેંશનધારકોને તા. 30 નવેમ્બર સુધી પોતાનું લાઇફ સર્ટિફિકેટ (જીવન પ્રમાણપત્ર) જમા કરાવવું પડશે. જે ગ્રાહકો પોતાનું જીવન પ્રમાણપત્ર જમા કરાવશે કે તુરંત જ તેમના પેંશનને રિલીઝ કરવામાં આવશે. લાઇફ સર્ટિફિકેટ નહી આપનાર લોકોનું 30 નવેમ્બર સુધી પેંશન અટકાવી દેવામાં આવશે. જોકે, ત્યારબાદ SBI કઇ શરતો પર પેંશન ઇશ્યૂ થશે, તે સ્પષ્ટ કર્યું નથી.
પેંશન ઉપર અપાતી લોન સ્કીમની બંધ થશે
એસબીઆઈ બેંકમાં ખાતું ધરાવતા પેંશનધારકો માટે વધુ એક સમાચાર છે, જે લોકોનું પેંશન SBI ના ખાતામાં આવે છે, તેના માટે બેંક તરફથી શરૂ કરવામાં આવેલી લોન સ્કીમ બંધ થવા જઇ રહી છે.
બેંકે ફેસ્ટિવલ સિઝનમાં પેંશનધારકો માટે લોનની શરૂઆત કરી હતી. આ સ્કીમમાં પેંશનર્સને કોઇપણ જાતની પ્રોસેસિંગ ફી વિના લોન મળતી હતી. પરંતુ 30 નવેમ્બરથી SBI આ સ્કીમ બંધ કરી દેશે.
