Ahmedbad News : અમદાવાદના નરોડા વિસ્તારમાં હનીટ્રેપનો એક ચોંકાવનારો કિસ્સો સામે આવ્યો છે. જેમાં રાજસ્થાનના એક વેપારીને નરોડામાં વેપાર કરવા આવવું ભારે પડ્યું છે. વેપારીને બોલાવી હનીટ્રેપમાં ફસાવી તેની પાસેથી 5 લાખની લૂંટ ચલાવવામાં આવી હતી.
પ્રાપ્ત માહિતી અનુસાર, વેપારીને બોલાવી હનીટ્રેપમાં ફસાવવામાં આવ્યો હતો. બાદમાં તેનું અપહરણ કરીને અલગ-અલગ જગ્યાએ ફેરવવામાં આવ્યો હતો. આ દરમિયાન આરોપીઓએ વેપારીના દાગીના લૂંટી લીધા હતા. જેમાં વીંટીઓ, ચેન અને રોકડ સહિત 5 લાખની લૂંટનો સમાવેશ થાય છે. વેપારીને ધમકી આપવામાં આવી હતી કે જો તેણે પોલીસને જાણ કરી તો તેના પર બળાત્કારની ફરિયાદ નોંધવામાં આવશે. પરંતુ વેપારીના પરિવારને આ અંગે જાણ થતાં નરોડા પોલીસ સ્ટેશનમાં ફરિયાદ નોંધાવવામાં આવી હતી.
પોલીસે તાત્કાલિક કાર્યવાહી કરીને આ કેસમાં બે આરોપીઓની ધરપકડ કરી છે. જ્યારે હજુ એક શખ્સ સહિત બે મહિલાઓ ફરાર છે. પોલીસે ફરાર આરોપીઓને પકડવા ચક્રો ગતિમાન કર્યા છે. આ ઘટનાએ નગરજનોમાં ભારે ચકચાર મચાવી છે. લોકોમાં સુરક્ષા અંગે ચિંતા વ્યાપી ગઈ છે. પોલીસે આ મામલે વધુ તપાસ હાથ ધરી છે.
આ પણ વાંચો: હનીટ્રેપમા કેસમાં પોલીસે આરોપીઓને ઝડપી લઈને લૂંટનો મદ્દામાલ કબજે કર્યો
આ પણ વાંચો: હનીટ્રેપનો શિકાર બનાવી હેલ્થ ઓફિસર પાસે દુષ્કર્મની ફરિયાદને બહાને 30 લાખ માંગ્યા
આ પણ વાંચો: અમદાવાદમાં વધુ એક યુવાન હનીટ્રેપની જાળમાં, વીડિયો બનાવી 7 કરોડ રૂ. પડાયા હોવાની ચર્ચા
