Poco C3 ભારતમાં ત્રણ મહિના પહેલા લોન્ચ કરવામાં આવ્યો હતો, ત્યારથી આ ફોનને ખૂબ પસંદ કરવામાં આવી રહ્યો છે. પોકોના આ ફોને હવે એક નવો રેકોર્ડ બનાવ્યો છે. ભારતમાં આ ફોનના 10 લાખથી વધુ યુનિટ વેચાયા છે. આ પોકો સ્માર્ટફોન પર 24 જાન્યુઆરી સુધી ડિસ્કાઉન્ટ આપવામાં આવી રહ્યુ છે.
પોકો સી 3 ભારતમાં 1 મિલિયન વેચાણના આંકડા પર પહોંચી ગયો છે. ખાસ વાત એ છે કે આ સ્માર્ટફોન માત્ર 6,999 રૂપિયાની કિંમતે ખરીદી શકાય છે. ખરેખર, ફ્લિપકાર્ટ પર બિગ સેવિંગ ડેઝ ચાલી રહ્યું છે જેમા પોકો સી 3 ની 3 જીબી રેમ અને 32 જીબી સ્ટોરેજ 6,999 રૂપિયામાં ઉપલબ્ધ છે. 4GB + 64GB સ્ટોરેજ મોડેલ 7,999 રૂપિયામાં ખરીદ્યી શકાય છે. આ સિવાય એચડીએફસી બેંક કાર્ડ દ્વારા પણ 10% ઇન્સ્ટન્ટ ડિસ્કાઉન્ટનો લાભ મળી શકે છે.
પોકો સી 3 ને ત્રણ કલર ઓપ્શનમાં રજૂ કરવામાં આવ્યો છે, જેમાં આર્કટિક બ્લુ, લાઈમ ગ્રીન અને મેટ બ્લેક સામેલ છે. આ ફોનની સૌથી ખાસ વાત એ છે કે સસ્તી કિંમતે 5000 એમએએચની બેટરી છે. ચાલો જાણીએ ફોનની સંપૂર્ણ વિશિષ્ટતાઓ વિશે..
આ ફોનમાં 6.53 ઇંચની એચડી + ડિસ્પ્લે છે. ડિસ્પ્લેનો આસ્પેક્ટ રેશિયો 20: 9 છે. ફોનમાં 4 જીબી સુધીની રેમ સાથે 64 જીબી સુધી સ્ટોરેજ છે. આ ફોનમાં મીડિયાટેક હેલિઓ જી 35 પ્રોસેસર છે. માઇક્રો એસડી કાર્ડની મદદથી ફોનની મેમરીને 512 જીબી સુધી વધારી શકાય છે.
ફોનમાં 5000 એમએએચની બેટરી મળશે
કેમેરા તરીકે ફોનમાં ત્રણ રીયર કેમેરા આપવામાં આવ્યા છે. તેમાં 13 મેગાપિક્સલનો પ્રાઇમરી કેમેરો અને 2 મેગાપિક્સલનો મેક્રો કેમેરો અને એક ડેપ્થ કેમેરો છે. સેલ્ફી માટે આ ફોનમાં 5 મેગાપિક્સલનો ફ્રન્ટ કેમેરો છે. આ ફોન MIUI 12 ઓપરેટિંગ સિસ્ટમ પર કામ કરે છે. પાવર માટે, 5000 એમએએચ બેટરી પોકો સી 3 માં આપવામાં આવી છે.
